للشاعر القدير علي عيد البشري

قابل البشري=
يامن لكم فالمثل طولـه = ورسم المعاني يترجمها
سلام نبغى لنـا جولـه = بحروف الابداع نرسمها
علي عيدالبشري=
ارقى العبارات مرسوله = بجزل المعاني موسمها
يامرحبا حي ما تقوله = استاذ وانته تقدمها
قابل البشري=
يادارس القيل بوصولـه = وحروف الامثال تحكمها
اشكي لكم حال مفعولـه = عيني من النوم حارمها
علي عيدالبشري=
القيل نوفيه بكموله = نحكم حروفه ونبرمها
لاباس شكواك محلوله = وش احرم العين والمها
قابل البشري=
بعطيك رمـزه ومدلولـه = والنـاس مانـي معّلمهـا
ماغاب عن خاطري زوله = وروحـي بـوده متيّمهـا
علي عيدالبشري=
اللي له الروح مشغوله = ومتيمه في نسايمها
ياهل ترى الدرب لوصوله = سهله عليكم معالمها

ياســــــــــــــلااااااام على الابــــــــــــــــداااااع

الاخ القديرقابل البشري والاخ العزيزعلي عيدالبشري

صحت السنتكم مليوووون وبيض الله وجيهكم ودام الله عزكم

محاوره من بدع وايضا رد في قمة الابداع والجمال وليسى غريب على بشرفهم اهل للابداع

تقبل تحياتي وتقديري