ديوان الشاعر حسيبك للزمن

^
^
^
^
^
^

مابـاقـي الا مِـعِـي تِـذكــار=مــن كُـثْـر مَغْلـيـك خَلَّيـتـه
يشهد على دمعي المدرار=وعهد الصفا يوم وارَيْتِه

^
^
^
^
^
^

عَيَّت خِطايـه تطاوعنـي=تِثاقَلتْ وانتهى المشوار
انـوح مابـغـاه يسمعـنـي=وِيبان فعل الزمن لاجـار

^
^
^
^
^
^

واقلبي اللي على نارين=ولو مَرْحمه كـان ربَّيتـه
لَجْله يطاوع هِبال العين=ويفـك لـي بـاب صكيتـه

^
^
^
^
^
^

الشوق حتى الفطيم ابكاه=هيَّا انظـروا ويـن ودَّانـي
عِشْتِه عَرفْتِه تِبعْت خطاه=ظالـم مَلـك كــل وجـدانـي

^
^
^
^
^
^

احسن لنا عايشين اغـراب=حظي عَمى غير اقوده قَوْد
ناديت واشرفت من مرقاب=مالي رجا فالقلـوب السُّـود

^
^
^
^
^
^

تسـأل عـن الحـال باقُـلَّـك=حالي من العام ماهو شَيَّ
خــلَّ الـدلـع قـبـل لامِـلَّــك=لوكان تالـي علاجـي كَـيَّ

^
^
^
^
^
^

يامـالـك القـلـب مــن قَــدَّك=ساكـن عروقـه وماتحويـه
لا للهوى شـــرع ويـــردَّك=ولاطب ينفع معك واشري

^
^
^
^
^
^

يـســرح بـــي الـفـكـر مـــارُدِّه=لاجْتـاز بــي عـالـم المجـهـول
ابـغــى الــــذي صـابـنــي وِدِّه=ياخذ من القلب عرض وطول

^
^
^
^
^
^

سَلَّمـتـه القـلـب وِشْ ذنـبـي=شِفْـت البـراءة تِجـلَّـت فـيـه
غـشـيــم فـالــبــر مِـتــرَبــي=لاشفت طير اذبحه واشويه

^
^
^
^
^
^

شوف الزمن كيف يشقيني=حَطَّوْ على خُطوِتي حُجَّـاب
مافـيـهـم الــلــي يـنـاديـنـي=باسمي كأنِّي مـن الأغـراب