ديوان الشاعر/ سلطان القادري القرشي(( أبــو ذيـــاب))

أبو ذياب =
سـلام مرسـوم بأسلوبـي =بأعذب حروف الوفاء سقناه
بشكي لكم حـال متعوبـي=من مـر علقـم تجرعنـاه
تركي البشري=
بعد إتجهتوا بها صوبي=ترحيب ماله عدد تحصاه
سلطان يا عز مطلوبـي=فصل لنا الحال من مبداه
أبو ذياب=
بحر العنا جور منكوبـي=من يوم حبل المؤده رخاه
أداري الدمع ومحبوبـي=يطعن فؤادي وما يرعاه
تركي البشري=
لن كان رجواك في كسوبي=ومبداك طابق على مبـداه
قدم له الشهـد مشروبـي=وجازه بعكس الذي سـواه
أبو ذياب=
مسكنه في الروح محجوبي = ومقدر على صدهم وجفاه
وأخاف لا أصير مذنوبي = وأشكي صبابه على فرقاه
تركي البشري=
درب الهوا كله صعوبي= تكمن حلاوته داخل داه
مادام طيب ورعبوبي= داره عسى يصلحه مولاه
وأبغاك رجال لهلوبي=لاجات ساعة فرح وياه
واللي على اللوح مكتوبي= لابد عين الفتى تلقاه
ويصحابنا سامحونا=

أبو ذياب=
سلام رده مع الأشواق=يأصلك ياحر من جده
يامن بجزل المثل ذواق=بالقول والحرف من قده
صقر الحيود=
يامرحبا رحب لك ينساق=ياصاحب اللي بدى وده
نقابله بي. وفاء وعنـاق=بمصافح الخمس واشده
أبو ذياب=
تبقون وأنتـم رجـال وثـاق=ونكسب هل الطيـب ونعـده
وان غبت حرفي على الأوراق=تذكـار دايـم لـكـم مــده
صقر الحيود=
ونعم ياللي معي سباق=بالخير والطيب ماهـده
يشهد نوده من الاعماق=لو يطلب اعيوني مارده

أبــــــو ذيــــــاب=
هاجـس معـي دوم يلحقـنـي=في ( تالـي الليـل ) شقّانـي
لوعه مـن الشـوق تحرقنـي=وعجـزت بالحـل ؟؟ وحدانـي
أبــــــو عـــيـــد=
حتـى نتـجـاوب تجاوبـنـي=دايـم فـي يمنـاك تلقـانـي
مـن قبلـك الشـوق سالبنـي=قلبـي وعقـلـي ووجـدانـي
أبــــــو ذيــــــاب =
لأ هزنـي الشـوق طوقـنـي=لمقابـلـه الـسـد بـكـانـي
(طيفـه وخيالـه) مرافقـنـي= كيف !! أطفي الشوق لا جاني؟؟
أبــــــو عـــيـــد =
الـشـوق مافـيـه متهـنـي= مـن يفتكـر فيـه حيـرانـي
لا تتبـع الـشـوق وتـونـي= خليـك فـي جــو ربـانـي

((تأثر القلب)) بغيابـك=مضيـوم.. كابـد.. مآسيـهـا
((ماغير نظره )) على بابك=روحي.. والآمال.. تحييها

طعنتني يا أعز الناس =(( وين العهد وين ميثاقك ))
أسقيتني من يدينك كــاس ؟؟= السم !! وأحسبه ترياقك

تركي=
العين لا حدرت ماها=من دون تعلم عن الأسباب
فجأه كذا والبكاء جاها=وش يعمل المرء يابو ذياب
أبو ذياب=
من سابق العهد بلواها = خلتك في ذا الأمر منصاب
وادعي لها الله يرعاها =من دون ماضي ولا أتعاب
تركي =
كانت مصيبه وفحواها=ماتنوصف لو كتبت كتاب
جاها ومن بعد عناها=نصيبها كالزلال عِــذاب
أبو ذياب=
قـــدر الله وسـواهــا=شي انكتب ما عنه مجناب
بعد الصبر نالت رضاها=وبالصبر تفتح لك الأبواب

قدرك معي يالخوي غالي = شرواك ياطيب الأمثال
يدوم عزك لنا عالي = بالحب والصدق والأفعال

خالد بن عبيد ألأحمدي =
بحر الهوى هاج واغرقني=وانـا تسبّـح فشطّانـه
من غبة الموج ماعتقنـي=واجري على الله سبحانه
أبو ذياب=
بحر الهوى جور أرهقني=وأعرفك قبطان ربانـه
والصبر للموج صدقنـي=سمبوك الامال شطانـه

الرحال=
تزلزل القلب من مرساه=والآن ماهو معى راسى
كيف انقذ القلب مماجاه=وارتاح من كيد هوجاسى
أبو ذياب=
حسب الذي أبديت في شكواه=مرضى على أمركم باسـي
وش السبـب الـذي خـلاه=مابين هوجـاس متعاسـي
الرحال=
كتبت حرفى لمن يقـراه=من عقلى ومركز احساسى
اسباب طرفى تهامل مـاه=من مااشوفـه وماقاسـى
أبو ذياب=
رسم الحدث معك من مبداه=وبالي معك روح ونفاسـي
والأن عطني ؟؟ الذي تشقاه=نسري على ضوء نبراسى
الرحال=
نوهت لك سابق المأساه=وشرحت درسى لدراسى
لاتطشنى فشى ماترضاه=وتكبنى فى اسا الآسـى
أبو ذياب=
بأسعى معك للدوى في داه=وأفتح لك الآن كراسـي
افيدنا الطرف وش ابكـاه=واللي تقاسيـه ياسياسـي
الرحال=
هذا لكم قط مـا ننسـاه=وللى حسيتوه انا حاسى
عساك لى الدوى تلقاه=ويعودلى بالأمل ياسـى
أبو ذياب=
لا تفقد اليأس لا تمحـاه=وانا معك صعب ميراسي
وخلي الأمل والرجاء لله=ينجيك من كل أتعاسـي

الشاكر أبو سامي=
بحر الهوى خضت في أعماقه=ابحث عن اللؤلـؤ المفقـود
لكـن ماسـد لـي فـاقـه=اللي جنيته مـن الموجـود
أبو ذياب=
الليل مـن بعـده أشراقـه=ولا بد تسعى وراء المجهود
والصبـر للبخـت ميثاقـه=وقدام خلي الأمـل ممـدود