ديوان الشاعر(بخيتان البشري)

فايز محيسن =
ارسل تحيه بعطـر الفـل=ومضمونها الطيب لبخيتان
القصر لا من غدى محتل=ومن دوننا قفلـو البيبـان
وماعاد نطلع ولا ننـزل=والقلب بالحيل له ولهـان
وكل يوم نتخيلـه مقبـل=ونقول ترحيب لك يافلان
الحال هذا وقربنـا نمـل=من وضعنا حيل ياشيهان
هل أترك الدار والمنـزل=ونغير الأسـم والعنـوان
لو كان قلبـي مايتحمـل=لغيابهـم والولـه نيـران
بخيتان =
نرسل لكم مثلها وأجمل =طيب و وفا ماحتوت نقصان
القصر ثابي ولايختل =ماينقفل دون من له شان
دام الأجاويد فالمحفل = ماتغط نور الحقيقة تبان
جزل العطا منه مايعزل=مرفوع قدره وفالحسبان
ياراعي الجيدة اثقل =ضعفين ثقل الجبل رضوان
ابذل قصارى الجهد لا تكل = والحر تكفخ به الجنحان
الدرب سيره كما أول = افتيت لك فالأمر بأتقان
بعض العرب مابها مكمل = وانتا لك الطيبة برهان