الغالي والشاعر القدير قابل البشري مع التحية

بخيتان البشري =
سلام ياحضرة الدكتـور=فالطيب والذوق والكسره
اخوك واحد من الجمهور=اللي بشعرك علا فكـره
قابل البشري=
يامرحبا والليالـي نـور=ياراعي العرف والخبره
اخوك لوقالـك مشكـور=ماعبر الحرف عن شكره
بخيتان البشري=
لك البقاء وأسمع المنشور=وعطنا إفادة بعـد نشـره
اليوم ليه ثلاثـة شهـور=والمشتكي مل من صبره
قابل البشري=
الصبر طيب وفيه ضرور=لاجـاوز الحـد بالمـره
وان كان فيه الامل منظور=استنظـره لا بعدبـكـره
بخيتان البشري=
مابين ودي وده سـور=عاذل بناء فالهوى جدره
وافي ولكن فيه قصـور=وأخاف يزداد في حدره
قابل البشري=
مادام مابين عدل وجور=واجب تشوفه وتختبره
اماعطاك الوفا مقرور=ولا من السالفة عـذره
بخيتان البشري=
المشكلة قلبي المعـذور=غرقان ويجول في بحره
لاهو بقادر ولا مقـدور=يابو يزيد الهوى جمره
قابل البشري =
ان شفت وصلك ملاه غرور=الله يعينـك علـى هجـره
اما يعود علـى الدستـور=ولا معه شوف لـك دبـره
بخيتان البشري=
لاتطري الهجر فالمسطور=عيني بدت تذرف العبره
باعيش به ود لو مجبور=مالي على تركهم قـدره
قابل البشري=
زيده وفا وارفع المعمـور=يمكن معه تمسك العشـره
وان صد انسى بكل سرور=ولايهز من راسكم شعـره
بخيتان البشري=
إحساس صادق حواه شعور=صادق على القيل والفكـره
اوفيتنـا ياوفـي مخبـور=حايز على المجد في عصره