جيتك ودرب الوفى مفروش - الغالي محمد سعد اليوبي

بحر الكسره=
جيتك ودرب الوفى مفروش = وجمال بحمالها شالت
سلام مثل الذهب منقوش = للي بعذب اللحن قالت
محمد سعد اليوبي=
ياعارف الحية أم رقوش=اللي على الدرب مازالت
ترحيب والناس ياحمروش=لازان طرق اللحن مالت
بحره الكسره=
نبغى معك فالمعاني جوش = قيفان في خاطري جالت
مع قايد اللي لبس طربوش = بالجود مثل العسل سالت
محمد سعد اليوبي=
دندش له الطار يادندوش=ما جالت الا بعد صالت
لكن ..ابعد عن اللي يهوش=تقصر علومه ولو طالت
بحر الكسره=
القول هرجه غزى بجيوش = وافعال ماظنها نالت
راح الرمي وانتهى بطوش = وحقاد في نفوس مازالت
محمد سعد اليوبي=
الهرج مابين هوش وبوش=والعدله المايله مالت
ولاصار نبت الجبل محشوش=مردها الحمض لو عالت
بحر الكسره=
اللي وفى معتلي بعروش = ماهمه الهرج لو قالت
القول لاجاك من مربوش = دايم خطاياه انهالت

صح لسانكم يا اخوان كلام ينومس