تعال ياخالد بن عبيد

صح لسانك يافهد

فهد عواضه المخلفي=
تعـال ياخالـد بـن عبيـد = قدم الفجـر يتضـح نـوره
وش سالفت حضرتك بالغيد = واسند على نصوص منشوره
صقرالمراقيب=
يافهد جيتك على ماتريد = وافي لو الساق مكسوره
والغيد سوّة ليوسف قيد = علمه قريناه فالسـوره
فهد عواضه المخلفي=
يوسف ترا معترض للكيد = الكيد طوقه فـي سـوره
راثع بقلبك هوا تغريـد = زودن على ريم مع نوره
صقرالمراقيب=
بالقلب عندي لهم تمجيد = والبيض يافهد مجبـوره
في ودّ صقر ٍيجيب الصيد = منعور والطيب دستـوره
فهدعواضه المخلفي=
به مصطلح جابه التجديد = خوفي حمل خالد بكوره
ابعيد تصبح وتمسي بعيد = مكسبك منهن ودستـوره

الاخ القديرفهدعواضه والاخ القديرصقرالمراقيب

صحت السنتكم وبيض الله وجيهكم ودام الله عزكم

محاوره في قمة الروعه والابداع من بدع وايضا رد الله يعطيكم العافيه

تقبل تحياتي وتقديري