ديوان الشاعر / علي بن زيد الحربي

	المشاركة الأصلية كتبت بواسطة ابوخالد الفريدي

	تسئلوني عن مناسبة القصيد قد يتضح منها واتركه للمفسرين اما وقتها لااذكره لكن بعد1405 وقبل 1410ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــ دنّوا علي الجمس صا ف المكينه = اللي يسرّ ويشرح البال ممشاه جمس جديد توهم منتجينه= من ديرته توه ورد واستلمناه مكمل تكميل وممرنينه = ومجهزينه والتونك معباه ووكالته عن الخلل ضامنينه = والزيت غيّر وانتهى وستلمناه كل الثمن مدفوع مافيه دينه = وليا تلقى الليل ياحلو مسراه بقدرة الله والخواجه ضمينه = هو منوة اللي له طرف نجد مشهاه يعجبك مع قفر الفيافي حنينه =فوقه صبي وين ما سار ماتاه من الخرج حرّك للطلب وقت حينه= يم السليل عند مرزوق ملفهاه ملفاك رجل من سلايل مزينه = اهل الكرم والفعل عند الملاقاه تلقى المحبه والعلوم الرزينه = ولين الجناب وصاخن الجود تلقاه عطه الجواب بكل حب وسكينه = يبي يفسر لك على طول معناه مرزوق قبل نكلمه عارفينه = لو العلوم ارموز ماهي بتخفاه والعلم غير العلم يامفسرينه = ومن لاعرف جوانب العلم به تاه يا بن مبشر مصدر العلم وينه = العلم ما يخفاك لاشك عطناه جتك المعاني والمعاني ثمينه = والعلم سر ودوره لين تلقاه تاصل بعلمك للحصون الحصينه = وتقدر بعزمك عالي الضلع ترقاه وليا مشيت الدرب راقب كمينه = ترى الرجل عينه مع الدرب تقداه الرجل ينظر ويتحقق بعينه = وان شاف شي حرّكه قبل ياطاه والعلم مايعرض على عارفينه = لكن مع اهل العرف تبحث خفاياه لله درك يا العقول الفطينه = اللي تحلل مصدر العلم وادناه عينت سيف للقا ذاخرينه = اللي يسر اليا سحبته من اخباه وعينت رجل وافي في يمينه = حرّهميم ويعجبنك سجاياه خابرك في قاسي زمانك ولينه = وافي ومكيال الموازين تملاه العلم جدّي والمعارك مكينه = جاني خبرها سرّ من بعض الافواه وقفّلت بالمفتاح باب الخزينه = والحبل عن بعض الموارد قصرناه ومن استعانك واجب انك تعينه = ومن قال يامرزوق فاسمع مناداه اسمع كلامه لين علمه يدينه = انصت لهرجه لين تاقف على اتلاه يفداك يالطيب خبيث الضغينه = اللي على سوء المذاهب نواياه مواقفه في كل موقف تهينه = وتقصر عن اللي بالخواطر مطاياه بعض الرجال اللي حياته غبينه = اللي يفشل في فعوله دنياه وانا سبحت بحور من كل عينه = والبر ياسيد النشاما مشيناه والدرب حال الضلع بيني وبينه = وشفناه ضلع محترم واحترمناه ضلع منعني من جبال المدينه =اما جبل ورقان والاحلاياه ولاهو على كيفي تسير السفينه = والعلم يسمج لو نجيبه من اقصاه ويا قايد القوه تول الضعينه = وابعد عن اللي مايسرك مخاواه تم الكلام وردلي بالسمينه = اللي نقدمها بليا مراواه ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــ انتهت والله ان فيها الغاز لكن ابيها للموروث الشعبي لين تحل واضيفها فرد مرزوق مبشر الحثل واحسن واجاد لكنه اتعبني في قراءة قصيدته التاليه وابا اختصر منها الرد على الالغاز :. يامرحبا بالجمس يامرسلينه = اخذت ست اشهور وانا اتحراه كنا على جمر الغضى محترينه =ولولا غلا مندوبكم ما احتريناه وفعلا وصل راعيه ومرافقينه = وصل مكاتيبه وبلّغ وصاياه وراع الوفا سم على حاسدينه = بد انصف بدر الدجى من مزاياه يامرحبابه عد وبل الغشينه = اللي تراكم مزنها ونتثر ماه بالمرسل اللي يمنا باعثينه = برسايل مثل الجواهر مغطاه والخط قدره من غلا كاتبنه = نقراه ونعيده ونرجع ونقراه ولولا غلا راعيه ومحررينه = ماهمنا طوله وقصره ومغزاه لعل من صاغت حروفه يمينه = يسلم ولاتشكي من الكسر يمناه شادت وجادت بالبيوت الرزينه =وجبل محفرة الهبايب تعلاه على هلا والعبد ربه يعينه = اللي كفل رزقه ويغفر خطاياه الواحد اللي عابده يستعينه = اللي توسل له بسره ونجواه ومن كان قدم شي زينه وشينه = من شر والا خير باللوح يلقاه ومن بعدها هاض الفواد بكنينه = وابديت ماكنيت من غير مشهاه ماهو طمع بالرد لمدورينه = لكن ماقفنا جبرنا وقفناه والا الخبر مصدر وكاده جهينه = ياللي ستر مجنون ليلى وليلاه حنا المحيط الاطلسي سابحينه =نشذب شواذيبه ونذبح حياياه وسفينة الصحرا لها مدربينه = يمشي على مايناسبه ويتمناه واللي بدرب السيل يجمع دفينه = ليا سال شاله عن طريقه ومجراه والذيب يقنب والاسد في عرينه = والله ان كن الذيب عنده ولدشاه مفهوم سر العلم وموزعينه = والاوله والثانيه من فداياه وان كان للثنتين زاد الطبينه = عند الثلاث يحق له لو تعشاه النفس ماهي داخل الجسم قينه = حرّه وتكرار الخطايا تلافاه وشقوم شيخ القوم نفسه حزينه = يامن رمى له ذيب بالضلع واخطاه وغدا لابو زيد الهلالي رنينه = ونبتت عيون بن الهلالي بعلباه سبق ولكن صار سبقة ادخينه = صبت مرازيمه وجفت شفاياه خشمه كسا مابين رجله وعينه = يشوف تحذير اللغم ويتوطاه لكن قل له علم بينك وبينه = ترى سبايب طيحته من ردا ارشاه هلفاه ضعف ارشاه مع حادرينه = مع لولح مابه سلالم ومرقاه اللي عطا الضوء الخضر شامتينه = علم قصر دونه وعلم تعداه اطلق سواقي ماه واغرق طحينه = وطبق مثل سابق غسل داه برداه انهيت موضوع الهجين وهجينه = لو الركايب بالجنايب مثنّاه واللي سال والسيف قدام عينه = يسأل وعينه بالمهنّد تحلاّه السيف جاهز والمشلشل قرينه = وشلفا ذياب اللي من السم مسقاه واذا دعا داعيه يا سايلينه = الما تحت ظل المهند وردناه وراس القلم من صاحبه قاسمينه = وحبره ليا حول على حبريمحاه وعدك يبشر بالروى واردينه = هداج ماتشكي حيامه ضماياه اقول بان العلم لمحللينه = ياللي من الفولاذ ركب ثناياه العلم جا من مصدر عارفينه = يامن ستر محنون ليلى وليلاه حنا عمود مضلله راكزينه = وانته عليك برغبتك شلع مرساه مصممين ابناه ومنفذينه = في زاوية تسعين ركزت زواياه من خارجه با الابجدي عامرينه = ومن داخله مرسوم فاحج وعرقاه مفروض تصميمه على منفذينه = ماتدخله روس العقول المزكاه الاخوي عنتر صميل الشنينه = اللي تعشى مع ضيوفه بيسراه وصلوا على المختار يا تابعينه = صلّوا على اللي حطم الشرك والغاه والعذر من ابوهلال لقد تركت من القصيده اكثر من ثلاثين بيت ولكني جبت اللي يحمل الرد والعذر من القراء الكرام

القصيده طويله وتتعب قرايتها ويصعب كتابتها