من بحر الكسره الى بخيتان البشري

بحرالكسره=
سلام جيتك كما الاعصار = نعطيك مـن قافنـا فنـه
ناخذ معك فالحن تذكـار = قاف البحر ينعرف قنـه
بخيتان البشري=
ترحيب وافي حليم وقـار = ماهاب إنسـه ولا جنـه
مرصود في شاشة الرادار = إعصار مافيّ خطر منـه
بحرالكسره =
اشوف ماينقبـل معـذار = ضاع الامل واختلف ضنه
بالضن لاتصيد ياشـوار = يعريك الصـور والسنـه
بخيتان البشري=
ما احكم على الظن مهما صار = واعلم تـرى الحـق ماكنّـه
ميز قبـل لا تصيـغ افكـار = ياخالـط الهـرد مـع بنـه
بحرالكسره =
اصبحت من موقفك محتار = غير الحكي زاد في زنـه
مادمت واحد من اهل الكار = الحق مـا تختفـي عنـه
بخيتان البشري=
اللي عن الدرب لف يسار = مثله يداري علـى سنـه
والحكم متروك للشعـار = والحـق مافيـه لاكنـه
بحرالكسره=
مشكور ياعالي المقدار = ذاب الذهب واختفى رنه
المفتن اللي يشب النار = بالظلم النـاس يطرنـه

الاخ القديربحرالكسره ةالاخ العزيزبخيتان البشري

صحت السنتكم وبيض الله وجيهكم ودام الله عزكم

سلمتم على هذا الابداع من بدع وايضا الردالله يعطيكم العافيه

تقبل تحياتي وتقديري