ديوان الشاعر مشعل سالم النويمي

إن جيت ودي انا بوصفك =احترت كيف ابتدي ومن فين
اخاف لااوصف ولا انصفك = إتزيد في علتي بعدين

ميراث ياكم فضح فبيوت = كانت فذا العز مستوره
واليوم تجري فحجج وثبوت= تبحث عن الزود وكسوره

انا اللذي من الهوى تايب = من طرقة الحب عزلنا
امسيت إفحاضري شايب = وفسابق العهد بهذلنا

كثير ماشي عليه قروض = والمشكلة كيف يسددها
من بعد مصبح شبه منفوض= فكر في سلفة يجددها
هذا خطأوأمرها مرفوض = قايس امورك وحددها
خلك فصبرك قبل لاتخوض =إنت المشاكل تمددها

اعبد إلهك مسا ونهار = خليك لعبادته قايم
تظفربجنة بها أنهار= وتزيد نظرة من الدايم

بمناسبة عودة سيدي صاحب السمو الملكي الامير سلطان بن عبدالعزيز حفظه الله من رحلته العلاجيه بصحة وعافية ولله الحمد والمنة يوم الجمعة الموافق 24/12/1430هـ

ازداد نور الوطن هااليوم = سلطان شرف اراضيها
يامرحبا افخيرين القوم = في وقت حاضر وماضيها

طبتم وطابت لياليكم = ياهل الدرر والكلام الزين
ياكم نظرنا افمعانيكم = روعة وجميلة تسر العين

	المشاركة الأصلية كتبت بواسطة مشعل النويمي

	دربي وفا ومكسبي أحباب = ارجال بالقدر معروفه . مهما اتباعد بنا الاسباب = معذور وكُلا لُه ظرُوفه

ابو ياسر

مشكور ياطيب الانساب = هذا الوفا يكتب حروفه
الجود فالملتقى ماغاب = تعطي من الطيب مصروفه

الموت فرق علي اخوان = شباب مثل الزهرواحلى
ياكم جمع بنا الديوان =والنفس كانت بهم تعلى
لاكنه الحق والايمان = خلى العبد فالصبر يسلى
يالله يارب يارحمن = إ فدار فردوسك الاعلى

سؤال كيف الغرام إيقاس = ياكيف اهل الهوى إتقيسُه
ياكم طرح إفطريقُه ناس = ذباح ياملعن إبليسُه