ديوان الشاعر(بخيتان البشري)

ياوالدي حُبه الساكن =ليلي معه فالمنام اسريه
اشواقه احيا بها لاكن =بالعمر كله رضاك اشريه

كل ماذكرت الذي فارق = نظرة عيوني بدون رجوع
يحيا آسى فالحشا حارق = واعالجه بالعيون دموع

بخيتان البشري=
سؤال في خاطري يحكي= ايات فيهم قتيل الود
معشوق محروم لك يشكي = او عاشق اللي جناه الصد
سالم البشري=
للشاكي أحيان والمشكي=الوقت أكبر خصيم وند
يجعل صويب الهوى يبكي=ان طال هذا بذاك اشتد

كُف الأذى عن طريقي كُف=لآاذي ولآ أقبل استاذي
واختار ياجيت تحت الخُف = والا أناديك ياستاذي

ليّا الشكل طابق المضمون = ماحولك خلاف يالبرني
وليا اختلف شكلها المدهون = بان العنا وقال تعذرني

بخيتان البشري =
إن كان تسمح يابن وازن = تفيدني قدّ ماتقدر
كيف اجعل الأمر متوازن = هذاك قدم وذا واخّر
بن وازن=
أبشر من العين يا رازن = راعي الوفا عنك ما يوخر
قدرك تقدم مع المازن = وسحابت الصيف ما تمطر

عيّيت لا أنساك ياجيهان = من بعد قفّت بك الأقدار
والله من يومها للآن = ودموع عيني عليك أنهار

ابومبارك اليوبي=
يابومحمد وش اخبارك=عساك طيب ومتعافي
عسى المطر بارك اديارك= والناس تافي وتستافي
بخيتان البشري=
يامرحبابك يابومبارك=ابشرك ماشي خلافي
والخير يالحر متشارك=وراع الوفا مثلكم وافي
ابومبارك اليوبي=
عسى البقا والسعد فالك=منك العسل مشهده صافي
ياطيب نفسك ياعزجارك=والخير من يمكم لافي
بخيتان البشري=
يامن على الراس منزالك=دايم لمد الوفا تافي
بالطيب عليت مقدارك=ومن خيركم خيرنا مافي
ابومبارك اليوبي=
يابخت منهو تعنالك=اشوف وتشوف ويشافي
لضيف دايم تشب نارك=من طيبكم جيتكم حافي
بخيتان البشري=
لا شك نفرح فإقبالك=عزيز مثلك لنا ضافي
وانكان هونت جينالك=وابحتسي طيب ولحافي

يقول مافي صعيب أصعب = من حالي اللي لكم بشكيه
كشفت له حالي الأصعب = اللي سنين العمر تبكيه

يخطف سنا برق ثغرك خطف = لي البصر كل مالديت
ياهيه نحتاج منك العطف = جرحت جَرحك وماداويت