.. ديوآن الشآعر الـ ع ـبيدي ..

العبيدي=
سلآم فيه الوفآ واقرآه=يآمن لكم فالمثل خبره
ضرب المثل ودنآ نرقآه=ومايكتمل دونكم حبره
مجازف=
ترحيب ساير على مجراه=يامن لكم فالمثل نظـرة
شاعر ولك بالمعاني جاه=متوشح الشعر بالفطـرة
العبيدي=
تبقى وهيآ استمع شكوآه=اللي بكى واهمل العبـره
كثر الدمع فالهوى اعمآه=وزآده على حرته حـره
مجازف=
هذا الهوى شرّ يامقـواه=ياكم به قلـوب منكسـرة
وان كان يصبر على بلواه=لاشـك ماينحـرم اجـره
العبيدي=
بنشدك وين التقي بدوآه؟=بشكي له الحآل والحسره
وبقول له ماقدرت انسآه=حتى الصبر مل من صبره
مجازف=
عزّ الدوا صعب ماتلقاه=وطُلاب هذا الدوا كَثْره
وماناله اللي كثير بكاه=ولاجابه العلم والخبره

منسآه مآدمت حبيته=لو كآن يكوي فؤآدي كي
مآيختلف وعد حطيته=مآدآمني في زمآني حي

يآقلب وين التقي بدوآك=وانته تزيد الآلـم فيّـه
تتبع مسير الهوى فخطآك=وتدوّر الحـل فيديّـه!!

قآد السفينه فمسرآهآ=ربآن ماهو لها مخبور
ضيع على الدرب مرسآهآ=ومآكآن للتآيهه مجبور

الناس صارت بليآ احسآس=هـرج المجانيـن غايتهـآ
بالله شوفو البـلآ يآنـآس=وش حلهآ ويـش دبرتهـا

العبيدي=
يآقآبل البعد طولتـه=وينك فقدنآك يالعآلي
من بعدك القآف علمته=انه بدونك فقد غالـي
الجمل=
لاشـك ياحـر ماقلـتـه=من طيب اصلك والافعالي
وبعادكـم لـو تحملـتـه=ماكان عـوّدت طوّالـي

القلب كل(ن) نشـد عنـه=وعن حالته كيف بعد الحب
وانـآ جوآبـي مـع الونـه=(يآويل من طب ذآك الدرب)

الــعــبــيــدي=
تكفيـن تكفيـن يآرسآلـه=قولي لهـم قلبنـآ مشتـآق
يمكني قصّـرت فوصآلـ=هبس الفكر يمهـم منسـآق
بخـيـتـآن الـبـشـري =
اخوك نشبـان فـي حالـه=منكم ترى خآطره مآضـآق
دايم وشـرواك فـي بالـه=ياصاحب الشوق والأشواق
الــعــبــيــدي =
الله يسآعـدك فالحـآلـه=يآهم يآغلـب او فآفـرآق
انت عليك الصبـر نآلـه=لآبد بعد الغروب اشـرآق
بخـيـتـآن الـبـشـري =
مايـوم فكـرت فهمالـه=واصبر على شئ ماينطـاق
اقـوم واقعـد فأقبـالـه=ومع كل هذا معي مـاراق
الــعــبــيــدي =
انا ادري انه معـك عالـه=يجرحك والجرح ذآ حـرآق
خله بذكـره علـى فالـه=وخلك على مواجهه سبآق
بخـيـتـآن الـبـشـري =
ماطابـق اقوالـه افعالـه=منه الحزن داخلـي اطبـاق
اصبحت مرمي على جالـه=عاشق وقلبي معـه عشـاق
الــعــبــيــدي =
الصبـر لابـد تلجـالـه=مآدآم قلبك بهـم خفـآق
العشق معروف مـن طالـه=يلقى الصدر من وداده ضآق
بخـيـتـآن الـبـشـري =
الصبر من كثـر ماعنالـه=ليا شافني يقلب الأخـلاق
يقـول ماعـاد يبغـالـه=ويرد قلبـي بـلاش نفـاق
الــعــبــيــدي =
غيـرك تعنـى وتشقـآلـه=واصبح لكثر الحـزن ذواق
مير البـلآ بعـد مآطآلـه=شآف السحآبه بلآ بـرآق
بخـيـتـآن الـبـشـري =
كل(ن) ولـه ذوق يحلآلـه=دام البشر فالحيـآة اذواق
مهما الزمن بعدنـآ طالـه=بعيش به فالحيـاة تريـآق

فآقدة غالي=
بشكي لك الحـــال والعله = وابي إفـاده لنا يا خي
هل يا ترى الدرب ما دله = والا يتوقى هجير بفي
العبيدي=
خلك على الصبر لاتمله=لايغيّر الوقت فيكم شئ
ولامر في دربكم قلـه=مايقتل الزرع كثر المي

ابومبارك اليوبي=
سلام وافي صدر فالحال=ياصاحب العقل والشوره
ابغى افاده عن الاطلال=ابغاك تشرح لي الصوره
العبيدي=
ترحيب وآفي وعال العال=يابآدع الشعر فبحـوره
فصّل لنا الحال والآحوال=حتى نماشيك فالـدوره
ابومبارك اليوبي=
عسى البقا وارتياح البال=بذكر النبي فكامل سطوره
البعد عن ديرة الاخـوال=اشقالي روحي المكسوره
العبيدي=
تبقى وفيك الوفآء منوآل=يآمن شكى النفس مقهوره
البعد لو فالملآقى طـآل=لآبد يظهر لكـم نـوره
ابومبارك اليوبي=
الوادي والشعب وذيك جبال=ذكرى وعندي لها صـوره
(ليتك ترى دمعي الهمـال)=الروح في الديره مأسـوره
العبيدي=
لك فالصبر غآية الآمـآل=تخفيف للبعـد وقصـوره
بكره يعود الزمن لو مـآل=وترجع لك الروح مسروره
ابومبارك اليوبي=
لولا الصبر كان حالي حال=والنفس تؤجر ومأجـوره
في غيره الصبر شي ينقال=والروح فالبعـد مجبـوره
العبيدي=
طير المفآرق جناحه سـآل=لكـن رح يـمـه وزوره
ولن كان حام الفضا جوآل=لابد يرجع لـك شعـوره
ابومبارك اليوبي=
خياله في الذاكره لازال=يرسم علي الضلع بلوره
اسلي نفسي على الجوال=احوالها الديره مخبوره
العبيدي=
مدآم مآشفت منه اهوآل=سجل معآيـه بطبشـوره
ابدع له القيل والآقـوآل=وخلك على البعد اسطوره