ديوان كسرات الشاعر ( بحر الكسره ) ابوياسر

بحر الكسره

سلام مني وفى رده = للي بذكره ذهب والماس
دايم وفي راعي الشده = اللي لزومه بغير اقياس
لي جرح في علته مده = مالقيت منهو يداوي الباس
جرحي التهب والسبب صده = ومن هجرهم جابلي وسواس
سهم الخطر واصل (ن) حده = وانعاش قلبي تدق اجراس
ابغي افاده تجي ضده = ترد في عروقي الاحساس

عبد الكريم المزروعي

ترحيب من قلب في جده = ماهي كتابه على قرطاس
الصاحب اللي وصل مده = واليا نصاه الخبر حساس
اصبر وزيد الصبر قده = وعيد الامل مامن الله يأس
وان كان ودك منع وده = اقنع منه من صميم الراس
لا تبني البيت وتهده = بعدين تفرح عليك الناس
باب(ن) يجيك الهوا صده = من خوف يدخل منه نسناس
وان جات هجمات مرتده = الفوز اللي يجيب الكاس

بحر الكسره

عبود مثل الذهب صافي = ومن معدنه نجني الارباح
مثل العسل طبكم شافي = يشفي فؤادي من الاجراح

عبود

عسى البقى حضرت الوافي = قلدتني في الحقيقه وشاح
حتم على الراس ميقافي = لا عل ماتشتكيه يزاح

بحر الكسره

طاح البلا فيه ياكافي = مايفيد للي غوي نصاح
مدري البلا جاه من قافي = ولا الغبن داخله قراح

عبود

هاج البحر بالذي خافي = وكور بنا في غزير بياح
ومابينهم ضاع مقدافي = بين الغزر والعرى سباح

اه العنى فالحشـا مالـك = جرح الهوى يطلب النجده
اصبحت في دربهم هالك = من خال مخلوق في خده
في بادي الأمر باسالـك = عن الذي همت فـي وده
هو الذي جاك في جالـك = والا أنت جيته على حده
ماكان يخطر علي بالـك = ماشي ومريت من عنـده
والمشكله قال كيف حالك = جا نا البلا والعنى فـرده

بحر الكسره

سلام للشاعر الصارم = ياحرب يللي رفيع الشان
يا هل ترى الوفى غارم = ولا الوفي ياخذ الاحسان

حرب

ترحيب باهل الوفى دايم = اللي لهم خاطري نشطان
والمساله ماتبي عالم = ياحر في الطيب لك سيسان

بحر الكسره

الكيف من قهوته خارم = والشوق يغلي كما البركان
ياصاح من وصلنا حارم = القلب من قسوته حيران

حرب

عساك ياصاحبي سالم = والبعد لا شك له نيران
ومادمت في وصلهم حالم = حث الخطا واطرق البيبان

بحر الكسره

الجو بعد الصفا غايم = كثر الهجر الهب الشريان
الجود في بحرهم عايم = بعد الوفى ناخذ الهجران

حرب

بعد الوفى مالكم لايم = ومادام جازاك بالخسران
اجعل قرارك معه حاسم = اشطب سجله ماكنه كان

الجرح لو جا من يبريه = معرفت لهدافهم مقصد
انا الذي بالغلا اشريه = واليوم من جرحهم نحصد

نشريك ياللي رفع قدري = حتى الوفى يرجح الميزان
مفتوح بالطيب لك صدري = ما نغدر الجود والاحسان

عشره ليالي علينا تهل = سبحان منهو لها اقسم
الخير والذكر ما نجهل = لابد من وقتنا نحسم