الى العم (البحتري )مع التحيه والتقدير0

ابومعروف=
لاشفتها قلت مطويـه = مير البلا والجلا فيهـا
وش رايك اليوم فالحيه = بعد انعقد سمها فيهـا
البحتري=
هذي على جال طرقيه = رقطاء سم الأذى فيها
سمي وكبر وبالنيـه = لاتقول فيها ومافيها
ابومعروف=
قـدام لاتاصـل الفيـه = صوبت والرمي يخطيها
وبعد استوى راسها ليه = سبحان ربـي منجيهـا
البحتري=
ان كفت الشر والسيّة = في جحرها لا تآذيهـا
وان كان عادت له جيّه = للموت نادى مناديهـا
ابومعروف=
عهدي بها قبل حوليه = للناس ترمي بلاويهـا
وغارو عليها الفداويه = لين انكست شرها فيها
البحتري=
الحـيـة القلبـانـيـة = لازم بداهـا تداويـهـا
وتصبح كما الحبل مرمية = وتموت ويموت حاويهـا

ابومعروف والبحتري

صحت السنتكم وبيض الله وجيهكم

الله الله معنى ومغنى على البدع والرد

تحياتي بكل الود