بين وبين الشاعر المخضرم العم عايش أبو سالم (الرحال)

30-10-09, 02:27 AM

أبو ذياب=
نورت ياعايش الرحال=ياطيب المعدن الغالـي
يامرحبا الشاعر المثقال=مثلك أعدك من اخوالي
الرحال=
جيتك بعد غيبتى فالحال=ياود ماغاب عن بالـى
لوغبت عنكم مغاب البال=باقى لكـم اول وتالـى
أبو ذياب=
طبتوا وطبنا وطاب الفال=شرواك وافي بالأفعالـي
ودي بلحن الطرب مؤال=بالحرف بالاه فالحالي؟؟
الرحال=
هات القلم وكتب الأمثال=وغنى لحن طرق جمالى
ونامعك بالمثـل جمـال=اعطيك من طيب الأمثالى
أبو ذياب=
حرُ شريته مخاوي أبطال = صاحب وتكميل رجالي
ولحظة حسافه مخاوي انذال = جلاسات في القيل والقالي
الرحال=
الصقر مافيه. قول يقال=له قدر عالى ومنزالى
مايخاوى الا رجال جمال=ولايتبع دروب الأنذالى
أبو ذياب=
مدام بأن الحكي ولا زال = أبيك تصدر حكم عالي
عن صاحبي .. كيف هو أختال!! = أقفيه..وصد.. لا جالي ؟؟
الرحال=
من خوف لايفرح العـذال=واسير غلطـان فالتالـى
بالغيب ماحكم على الأقوال=مالم يجى خصمك قبالـى
ويصحابنا سامحونا=