ديوان الشاعر/ نداء بن سعود العياضي

فوق شاطيك: لي: بيـت وحصـان=طالبـك ياغنـاتـي (لا) تــروح
بربي اللـي خلـق انـسً وجـان=في غيابك : مـلا قلبـي جـروح
كـل ماشـوف لقطـاتـك تـبـان=في خيالي :ماغير:اسهر..وانوح
ردلـي : كـل روعـات الحنـان=طـال صبـري ولا يمكـن ببـوح
بيـن رمـز المعانـي والبـيـان=لك بنيت القصايـد لـك صـروح
ارفعـك عـن مـيـدان الـهـوان=لك كتبت اعشققك فـي كـل لـوح
انتشيبـك علـى مــر الـزمـان=فـي ضميـري لـك الله كـم روح
انت فـي شوفتـك فقـري مٌـدان=لـي مياهـي ولـي زاد وصبـوح
لا تفـكـر بسـيـبـك لا ولا ان=انتـه وناسـك ابعـاد الشـبـوح
كـل صعـبً لكـم لا جيـت لان=لين يصبـح لكـم مثـل المسـوح
خمسه قلوب :لـي قلـب وضمـان=دونها اقـف :لكـل قـولً قابـوح
مثل سيـف الوليـد اقـف عشـان=شوفتـك : مااريـد افتـح فتـوح
مؤمـن بخالـق انحـاف ومتـان=اللي خلاني لـك دايـم : نصـوح
دونـك اقـف :بـدون اي ائتمـان=واثق :انـك كريـم ولا : شحـوح
كان قلبـي ماويـن تكـون كـان=لو حرامي :لـك انقـز للصطـوح
مير لاتبتعـد :شانـك لـي شـان=صاح قلبي ولك دمـي يفـوح...