حاجه بها تمتاز كل الحروبي

ياجار لاتنشد عن الحال ياجار=تراي دوبي يا ابيض الوجه دوبي
ارقب لها تقبل واثرها بالادبار=ادبار مزنٍ مقتفيته هبوبي
دنيا بها ذقت الحلاوه والامرار=يومٍ بها غالب ويوم مغلوبي
ياجار من صكاتها صرت محتار=وانا رجل عند الرجال محسوبي
اسباب قل المال مع غلوا الاسعار=تخلي الرجال غصبٍ كذوبي
ابديت لك ماخفيت ياواف الاشبار=لو كان ماني بالسوالف هذوبي
من عادتي مشكي على كل مرار=لو كنت يارجال صفر الجيوبي
ياجارعز النفس دايم لي اشعار=حاجه بها تمتاز كل الحروبي
النفس لاذليتها عندناعار=الا لعالم ماخفى بالقلوبي
اصبر على ماصابني سروجهار=لابد ماربي يحل الكروبي
وان عاندة ماني بها يوم منهار=اكفخ بجنحان السعد يامحبوبي
اليا جفتني دار غيرت في دار=اسري لاهاب الدرب خطو الهيوبي
مهما حصل شامخ مثل ضلع سنجار=لو شفت في دنياي شق الجيوبي
عن واجبي ماراوغ ايمين ويسار=اقبل ليا قفى خطات الزروبي
ماعشت بالحقران حرٍ من حرار= ماحط راسي با لشرك والنشوبي
عطيتك الموجز وتفصيل الاخبار=هذا جوابي في نوادر لعوبي
فدوك عميان البصيره والابصار=جرب الحلوق مفرقين الشعوبي
اللي على المقفي تقل حد منشار=ولاحك عود بعود ماتسد نوبي
براق صيف وحال من دونه اغبار=في ساقته ماعس راع الذهوبي

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

صح لسانك ياسعد وتسلم على هالقصيدة الرائعة وننتظر المزيد من الإبداع

الاخ العزيز
رابح الجحدلي
مشكور على مرورك

صح لسانك ياسعد

جزلة من راس جزل

بيض الله وجهك

ياجار عز النفس دايم لـي اشعـا
رحاجه بها تمتـاز كـل الحروبـي



والله انك شاعر جزل ياسعد المحمدي

صح لسانك وسلم بنانك



قصيدة رائعه بروعة حضورك



لك تقديري

الشاعر القدير
بخيتان البشري
صح بدنك وبيض
الله وجهك على المرو

أخي العزيز سعد المحمدي صح لسانك وبيض الله وجهك على هذه الدرة
المليئة في المفردات الشعرية الجزلة لاهنت وسلمت يالغالي :

الاخ نافع الحربي منك نتعلم يالغالي مشكور على المرور