سلام .. يدفع لحن آلي

"
"
لافي + الجمل
قمة الأبداع
صحت الألسنة وسلم الفكر والبيان
أسمحو لي بجمع المحاورة التي حازت على رضا الجميع
ولكم التحية والأحترام

لافي=
سلام .. يدفع لحن آلـي=من فوق منصة الإقلاع
يصعد معه للسماء العالي= ويرجِّعه لين يصل القاع
الجمل=
ترحيب له نور واشعالـي = يكشف جميع الفضا باشعاع
يبراك في كل الاحوالـي = وياخذ معك كامل الأوضاع
لافي=
عسى البقاء وغاية أقوالي = أني لأهل الوفاء مطواع
لكن سمعنـا بزلزالـي =أحدٍ سلم منه وأحدٍ ضاع
الجمل=
يابن سعد عندنا غالي = شرواك يشرى ولاينباع
وآنا حسـب ماتورّالي= الشوف ماهو كماالأسماع
لافي=
تسلـم ومنزلـك منزالـي =ويعوِّض اللي تعب وابتاع
وأنا أشوف السماء خالـي=و با طمِّن الصاحب الملتاع
الجمل=
سلمت والبدر في ليالي=ماله فكل الشهر مطلاع
والمرء مايطعم الحالي=حتى يذوق المرار انواع
لافي=
أنا الذي حار في بالـي=مع طلته والهوى ذعذاع
أني منه شفت الأهوالي=وأحدٍ على طلته فـزَّاع
الجمل=
مـن أول الوقـت للتّالـي=بحر الهوى معركه وصراع
كم فيـه حسّـاد عزّالـي=باقي أمل عندهـم لسّـاع
لافي=
هذا زمن ضرب الأمثالـي=والا القمر في السماء شعشاع
يسبح في بحر الهوى سالـي=مخلف هقاوي طويل البـاع
الجمل=
الرزق قسمة من الوالـي=حكمه عدل ماعليه نـزاع
احدن أخذ ربعه الخالـي=واحدن نصيبه ثلاث ارباع
لافي=
ماشاف لو ربـع مكيالـي=العلم واضح بـلا إقنـاع
و من لاجله الطرف هلالي=خيلة صقر والعيون وساع
الجمل=
لاواهنا راعـي المالـي=مبسوط فالصيف والمرباع
محروز ماله بالا قفالـي=بعيد عن نظـرة الطمـاع
لافي=
ياللي لها خفاف وثقالي=وتفوز في حزت الإبداع
كملت ياطيـب الفالـي=وأمتعتنا أي ما إمتـاع
الجمل=
وانت لها قصار وطوالي=والقيل توفيه كيل وصاع
ومعاك في كل الاحوالي=للحرف نكهات واستمتاع

"
"
دمتم بخير
"

"

ابو هاني × ابو يزيد

كبار 000كبار

امتعتونا بهذا التحاور الأكثر من رائع

دمتم كما عهدناكم

صحت السنتكم وبيض الله وجيهكم

تقبلو تحياتي

ماشاء الله عليكم 000صحت السنتكم