الى فواز الزويهري مع التحية

=ابو تركي
عجل على القاف لا يسري=فالموج مجدافي المطروح
سلام ،، فبحورها يجـري=مركب امل لنفوس الروح
=ابو محسن
ترحيب عاجل لكم حصري=يشدي بلحنه حمام الدوح
في مركب العز والقـدري=نبحر ونجلب ثمين البوح
=ابو تركي
دوامة القيل في صدري=غرقان فيها الوفاء مجروح
زينت شاطيه بالعطري= دخانها فالمحيط يفوح
=ابو محسن
شمس الضحى تجلي البدري=مهما حصل والأصيل ينوح
ولا بـد للمنكسـر جبـري=هات الخبر وافي المشروح
=ابو تركي
قضيت عند الاسد عمري=لين ابحرت به سفينة نوح
واول ما جيتك اذا تدري= القاف ، ساري يابن مسروح
فواز الزويهري =
لا زال جو الصفا يغري = هدي لنا قافك المملوح
والريث فالمسألة يبري =والشور ماهو تعال وروح
=ابو تركي
على نسيم الهوى البحري=اسامر الياس حين يلوح
ومع الامل مانفذ صبري=لو الامل فاللقاء مذبوح
فواز الزويهري =
لا تجعل الياس لك قبري = مادام لك فالأمل مصلوح
وأمر القدر فوقنا يجري =وارضى بماهو كتب فاللوح