( سلام يبدا بريحة عود) إلى بخيتان البشري

الأحمدي =
سـلام يبـدا بريحـة عـود=والمسـك ياتيـك بختـامـه
ياالصاحب اللي من اهل الجود=ومجـوّد العـرف بخطامـه
بخيتان =
ترحيب زايد عن المعدود=يبريء من الهم واسقامه
ياللي لكم فالوفا ممـدود=ومحسوب فالطيب علاّمه
الأحمدي =
هيا استمع مشتكى ملهود=ياباخص الود وانضامـه
مادام عذب اللما مفقـود=وش يرضي القلب فهيامه
بخيتان =
اللي شكى حاله المزهود=وبلشان فالقلب وخصامه
مدام عد الرهـا مـارود=ابتل على العقل واحكامه
الأحمدي =
من بعد ماهو معي موجود=ضده خواله مـع اعمامـه
واخلف معي طبعه المعهود=وشمّت بنا نـاس لوامـه
بخيتان =
يامن بغى غاية المنشود=وضّح لنا ضدة اخصامه
حتى معك فالعلوم نقود=مأموم ما يسبق إمامـه
الأحمدي =
عشنا موده بليـا حـدود=وراع الحسد نفسد الغامه
واليوم درب الصفى مسدود=والقلـب بلشـان بالآمـه
بخيتان =
ياكم حاسد لهد محسود=مثل اللهب يترك حطامه
عسى المنية تجي وترود=من عكر الود وانسامـه