ودي في صيد المعاني ذيب =ونفتح معه للحروف كتاب (( لحن مباشر والحاضر سداد ))

فواز الزويهري =
لهل الوفا والصفا والطيب=سلام ماله مدى وحسـاب
ودي في صيد المعاني ذيب=ونفتح معه للحروف كتاب
سالم البشري =
ياصلك منا على ترتيـب=ترحيب في موعده ماغاب
ومن بعد ماكمل الترحيب=هات المعاني وفك الباب
فواز الزويهري =
عسا البقا والحروف تشيب=لكن معكم لهـا مشـراب
لي قلب دايم عليه يصيب=رمي الأحبه بدون أسبـاب
سالم البشري =
مخبور مثلك بلا تجريب=والقلب دايم تجيه انشاب
ابحث في أسبابها وتجيب=الرامي اللي رماك وصاب
فواز الزويهري=
لاكان منهو رماني يغيـب=من بعد رميه عليه حجاب
كيف أساله واجري التنقيب=وسهيل في مرقبه ما ناب
سالم البشري =
لاتصعب المسأله تصعيـب=وتصير في حلهـا مرتـاب
اسعى عشان الجروح تطيب=قـدام لاتكثـر الأصعـاب