مخصوص للي قطعنا الود=سلام كله عتب وحساب ( عبر الجوال )

أسعد الله مسائكم بكل خير


أقدم لكم هذا اللحن الذي جرى عن طريق الجوال


مع الأخ الصديق الغالي فريد أبو مديدة



وإليكم أرجو أن ينال الإستحسان والرضى

فريد أبو مديدة=
مخصوص للي قطعنا الود=سلام كله عتب وحساب
ليه الغلا والجفا والصد=ليه القطيعة بدون اسباب
فواز الزويهري=
مخصوص للي ذكرنا الورد=ترحيب كله عطر واطياب
لو تعلم اللي خفى وامتد=عذرتني والزمن غلاب
فريد أبو مديدة=
لبيه ياللي علينا رد=تبقى على عالي المرقاب
أنت وأنا والزمن يلهد=وكلاتنا فالزمن منصاب
فواز الزويهري=
وافي ومثلك عريب الجد=ياصقر في لازمه ماغاب
وحنا في دبرة كريم اليد=يبدل اللي حصل ياصحاب
وإن كنت مثلي تعاني الوجد=وبعد المسافة عن الأحباب
وما عاد صبرك يشيله سد=تعال يمي نخط كتاب