حرب الجدعان ضد احد القبائل

سالفه حرب الجدعان مع القبائل المجاورة
7
7
7
وياكثر حرب الجدعان مع بعض القبايل في هذيك الحقبه الزمنيه
7
7
7
هذي طال عمركم والقارئين قبل حكم الملك عبد العزيز كانت عند
الجدعان ابل كثر وسلاله طيبه اذا ماكانت نادره وسمعوبها احد القبائل المجاورة
وعزموا النيه على غزو الجدعان فتجمعوا مع فخذين اخرين ومروا على
العصمه (العصيمي) قبيله من العتبان وعلموه بعلمهم
قالهم اما الجدعان فانا ماني معاكم الجدعان مايغزون ولا ياذون
واللي يغزيهم مايربح قالوله انت خايف وكملوا طريقهم متجهين
للخمره منطقه جنوب جده بحوالي اربعين كيلو متر وكان يترأس تلك
القبيله رجل فارس شهم يقاله الوقيص فسمعوا الجدعان بالخبر وكان
المتواجدون من الفرسان عدد قليل جدا مقارنه بفرسان القبيلة
الغازية وبما ان الجدعان اهل بحر تشاوروا وقالوا مالنا الا نجمع
البل في شبه جزيره يقالها جزيره الذيب وطبعا لها مدخل واحد وقدام
المدخل كثبان رمليه يعني (عقوم) وجلسوا خلف العقوم وقالهم شيخهم
اهم شي البنادق لا تسكت عشان يحسون ان العدد كبير ايامها يمكن مافي
غير المقمع اللي يعبونها بارود وشغلتها شغله فكان نص يرمي والنص الاخر
يعبي المهم ان الرمي كان على القبائل المتحالفة والموت فيهم وهم الى
الامام من شده باسهم وقوت عزمهم اما اذا رموا التحالف يكون في العقوم
عاد ماتوا في هذيك الحرب عدد كبير جدا من التحالف وكسرت رجل
الوقيص وذبحوا ذلوله واسروا الوقيص فيها ومن ضمن الاحداث قام
رجل من الجدعان يرمي واقف بعد مااشدت الوطيس وذبح وعلموا ولد عمه قالهم
اذا مالقيتوا ند له ميت جنبه معاد اشيل السيف والبندق وفعلا بعد
ماانتهت الحرب بنسحاب التحالف مهزومين لكن اخذوا عبد للجدعان
على طريق رجعتهم واخذوا بعض من الغنم وقاموا يتفقدون موتاهم لقيوا الجدعاني
اللي ولد عمه بيحط نده ميت وبجانبه فارس من التحالف يلفض انفاسه الاخيره
ويعتزي بسم جده وكانت علامات الشجاعه باينه عليه فاكمل عليه ولد عم الرجال
وقالهم هذا نده...وهذا من المذاكير وبالتحديد (الدحاليه)
وقال واحد من المحاوره ..(المحوري)ونعم فيهم من ابناء العمومه من حرب يفتخر بفعل
الجدعان واللي سووه

جانا عبيد من المشرق يبيله طماعه =ولم الوقيص ولم كل الجماعه
ذبحو ذلوله ثم كسرو كراعه =ويش غركم من شيخكم يالخيابات

طبعا القصيده ناقصه لكن هذا ما حصلت عليه
اما العبد اللي اخذوه رجع الذيب بعد ماوصلوا العتبان
وقابلوهم جماعتهم بغطرفة الحريم ومع انشغالهم
وحزنهم على موتاهم وسؤالهم عن حمران النواظر يعني
الابل وجاوبوهم حموها رجالها قدر يهرب بدون مايحس احد به
7
7
7
هذا واعذروني على التقصير

كفوا والنعم بالجدعان من حرب 0

اخذوا قسمهم وافي مثل غيرهم من القبايل 0

والكل يعرف تاريخ حرب مااحد عدا عليهم الا ويرجع مكسور00 واللى قرا التاريخ يعرف0

بدون نقص في القبايل الثانيه0

والنعم بعيال عمنا 00والنعم بحرب 00 بيض الله وجهك والقصه تويدها ابيات جميله 0 تشهد لها0


تقبلي تحياتى

	المشاركة الأصلية كتبت بواسطة خالداللهيبي

	كفوا والنعم بالجدعان من حرب 0 اخذوا قسمهم وافي مثل غيرهم من القبايل 0 والكل يعرف تاريخ حرب مااحد عدا عليهم الا ويرجع مكسور00 واللى قرا التاريخ يعرف0 بدون نقص في القبايل الثانيه0 والنعم بعيال عمنا 00والنعم بحرب 00 بيض الله وجهك والقصه تويدها ابيات جميله 0 تشهد لها0 تقبلي تحياتى

صدق يوم قال شيخ العتبان... (الجدعان ماياذون ولا يغزون واللي يتعرض لهم ويغزيهم
مايربح )لكن اهم من هذا كله مايتركون حقهم من يومهم قوم
حرب ودمهم حامي ولايهابون شيوالله الكلام
هذا موجود الى يومك هذا ياللهيبي
مشكور وماعليك زود اخوي على مرورك المشرف لاخلا ولا عدم

والله والنعم بالجدعان

يعطيك العافيه اختي نوارس

دمتي بخير وصحة

والله وستين نعم بالجدعان على هذا الفعل
ولاهي غريبه عليهم كل علومهم ترفع الراس
شكراً حزيل ياخت الرجال نوارس على هذا النقل
والاختيار الجزل لهذه الحادثه سلمت يمينك

	المشاركة الأصلية كتبت بواسطة ماهر ابو خالد

	والله والنعم بالجدعان يعطيك العافيه اختي نوارس دمتي بخير وصحة

الله يعافيك ماعليك زود يابوخالد مشكور الله يسلمك
ويبقيك ويجبرك في مصابك ويردك لنا سالم غانم

	المشاركة الأصلية كتبت بواسطة مضحي بن جمران

	والله وستين نعم بالجدعان على هذا الفعل ولاهي غريبه عليهم كل علومهم ترفع الراس شكراً حزيل ياخت الرجال نوارس على هذا النقل والاختيار الجزل لهذه الحادثه سلمت يمينك

هلا وغلا يابن جمران ماعليك زود الله يسلمك ويبقيك يابن العم
مشكور على هالمرور المشرف وهالكلمات النبيله ماقصرت يالذيب