لاهنت اقرب يافهد عواضه

ياهلا يامرحبا مليون قابل للزياده=في محل اهل الوفاء والطيب ربعي تاج راسي
يافهد علمن وصلني يشهد الله لك شهاده=مانقول اللي سمعنا هرجتن من هرج ناسي

واعسى يدوم البقاء باللي لهم فعلن وايراده=مسسين الدار واصل الساس بالدار الاساسي
كان جيت بعلم جعل العلم يضوي بالافاده=صاحبك مايحبطه علم ولازاده حماسي

شد حيلك ياوسيع البال من تبغاه ناده=كان ماتقدر تشيل الحمل خله لك يواسي
العلوم اكثار مير العلم هذا له مراده=قبل عام الحال كيف الحال ولا اليوم راسي

يافهد علمن وصلني يشهـد الله لـك شهـاده=مانقول اللي سمعنا هرجتن من هرج ناسـي

صح السانك يابو رسيل
وصح السانك يافهد المخلفي

من بغينا نعرفه ياشيخ ووجيه القراده=مثل نسناس الهواء ماتثر بحيد الرواسي
اعرف ان الرقي للقمه لنا مكسب وعاده=وانت يالعساس ماشفناك مشغلك العساسي

متابعين
صحت السنتكم
والله يـعـطـيـكم الـعـافيـــــــــــة
بيض الله وجيهكم

	المشاركة الأصلية كتبت بواسطة ابورسيل الحربي

	ياهلا يامرحبا مليون قابل للزياده=في محل اهل الوفاء والطيب ربعي تاج راسي يافهد علمن وصلني يشهد الله لك شهاده=مانقول اللي سمعنا هرجتن من هرج ناسي

صح لسانك يابو رسيل الحربي لاهنت وحياك الله وابقاك وملتقاك
يتشرف بحضورك وتواجدك اسعدنا واهلا وسهلا بك والصفوف جهازه وترحب بمقدمك

على القوه ياشعار

لاهنتم

	المشاركة الأصلية كتبت بواسطة فهد عواضه المخلفي

	واعسى يدوم البقاء باللي لهم فعلن وايراده=مسسين الدار واصل الساس بالدار الاساسي كان جيت بعلم جعل العلم يضوي بالافاده=صاحبك مايحبطه علم ولازاده حماسي

صح لسانك ياشاعرنا الجزل فهد بن عواضه المخلفي لاهنت سلمت ودمت والصفوف على اهبت الاستعداد ورهن الاشاره

	المشاركة الأصلية كتبت بواسطة فهد عواضه المخلفي

	من بغينا نعرفه ياشيخ ووجيه القراده=مثل نسناس الهواء ماتثر بحيد الرواسي اعرف ان الرقي للقمه لنا مكسب وعاده=وانت يالعساس ماشفناك مشغلك العساسي

في زمنا يا عميل الخير كلن له وداده=والذهب بالفرق واضح مايشابه للنحاسي
جعل حرن ياوسيع البال نومسنا هداده=مايذوق المر مير الوقت مايرحم وقاسي