•√♥ ديـوان الشاعرة شُموخ الحربي ♥√•

{ يا روح شموخ يا فزّاع }

بعيني شفتك أعظم شخص وتكبر فيك أحلامي=ترد الروح بعروق الفؤاد ان قلت يا أمي
بعيني يا أمل بكره وفرح ٍ دوم قدامي=اشوفك تكبر بعيني اقول الله وأسمي
عناقك بلسم جروح الخفوق و مجمل الآمي=يكيد الهم بعروقـه يصيح الهم يا همي
تورّث من أبوك الجود وخلك دوم مقدامي=و أنا بجوفي عطيتك درس بقا في ذاكرة دمي
تكّون قبل ما تكمل أحسك مصدر إلهامي=و يوم انه كمل بدرك ظهر مدك على اليمي
يا حلم ٍ مزهر ٍ بالورد يا حلم ٍ فيك إسهامي ِ= تسمى و الإسم (فزّاع) هو اول مانطق فمي
عطيت من الحنان جبال توالت عندك أيامي=يعانقني شعور الام اذا اسمك باإسمي التمي
يا روح شموخ يا (فزّاع) حذاري الدون يالسامي=أنا أدري بك وفي لكن نصيحة أم تهتمي
لو ان العمر بك يقسى توثق شرع الإسلامي=وفيض خشية الرحمن دمعٍٍ كنه الجمي
وعسى الله يبعد عيال الحرام وكل هدّامي =عن دروب المسير و رد روحي قول يا أمي