( تزعلك بالوقت هفوات العرب)

/
/
/
/
/
/
/
/
/
/
/
/
/

قال منهو شاف فالدنيا عجب= الحياه بخوت والرزق امقسوم
ماخبر شعبان يتقدم رجب= حكمة اللي رافع ٍ سبعه نجوم
لانوى له علم في لحظه وجب=واحد ٍ غفّار تواب ٍ رحوم
من صغر سني وانا عقلي نجب=ضاري ٍ بالجود مع طيب العلوم
والزمن لو عاف مثلي مارعب=في صراع الوقت ماني بمهزوم
ولو يصيب الحال ياعمري نصب= صعب ٍ الاحوال في وقتك تدوم
وان كبر همك بوقتك وان صعب= بالحزم تنزاح صعبات الهموم
تزعلك بالوقت هفوات العرب=والعزم مامات عند اهل العزوم
والجهاله ماتنومس والغضب= صاحبه دايم على فعله ملوم
والتروي فيه ميزه للادب= وموقف الشجعان مايقبل رخوم

الشاعر/ خالد بن عبيد بن معتوق ألأحمدي

بيض الله وجهك على هالنص الفاخر والراقي والجزل


نص من أوله لاخره جزل ومعانيه ساميه كشاعرها


لك فائق تقديري واحترامي

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

وان كبر همك بوقتك وان صعب= بالحزم تنزاح صعبات الهموم
تزعلك بالوقت هفوات العرب=والعزم مامات عند اهل العزوم
والجهاله ماتنومس والغضب= صاحبه دايم على فعله ملوم
والتروي فيه ميزه للادب= وموقف الشجعان مايقبل رخوم

صح لسانك

وسلم جنانك

قصيدة حكيم

لاهنت

مشكوووور ............يابو فهد
وصح بدنك ياالنشمي

	صح الله لسانك ولاهنت وسلم فكرك وبنانك دمت برعاية الله وحفظة

الحب الباقي
مشكور وصح بدنك

الاخ الغالي / سمو الشوق
اشكرك على مرورك العذب
واعتز بشهادتك

صح لسانك ياشاعرنا صقر المراقيب لاهنت على هالرائعه يابو عبيد
سلمت ودمت وتقبل مني ارق تحيه والله يحفظك ويرعاك

صح لسانك ياصقر المراقيب