الى الشاعر الخلوق الشاكر ابوسامي

حياك ياممدوح

صح بدنك

	المشاركة الأصلية كتبت بواسطة طامي

	هلابك يابو سامي وماغاب من حضر استلم يالذيب الله يديمك يابوسامي وانت كفو الغانمين=وانا.ماصدق فالبروق الا..لاشفت امزونها حال العرب ياصاحبي مدري تقل متحاسدين=وألا لهم عامين كلمة واحدة يقرونها

سلمت عزيزي طامي واستلم :

تسلم ياطامي وانت عارف باليسار من اليمين = والبرق يبرق في المزون اللي يسرك لونها
ليت العرب ياصاحبي في وضعهم متكاتفين = كان العدود اللي رهيه بالروى يردونها

اللـه اللـه

أستـــلم .

قدر الذهـب محفوظ مع قدر الرجال العارفين=وشقر العبي ماكل لبّاسينها يملونها
يبقى اكبر اسباب الفشل باخواننا المستعربين=نرفع دعانا ولاوصل حد السما يطشونها

صح لسانك ياشاعرنا الجزل طامي وصح لسانك ياشاعرنا ومشرفنا القدير ابو سامي
واصلو لاهنتم

	المشاركة الأصلية كتبت بواسطة طامي

	اللـه اللـه أستـــلم . قدر الذهـب محفوظ مع قدر الرجال العارفين=وشقر العبي ماكل لبّاسينها يملونها يبقى اكبر اسباب الفشل باخواننا المستعربين=نرفع دعانا ولاوصل حد السما يطشونها

حياك اخوي طامي

القدر عند الله مع تقواه وافطن يافطين = واهل المشالح ماتكالح لاجل نون عيونها
والمشكله في اباعر البدوان ضاعت بالبطين = من دونها حادي وبادي لاجل مايصلونها

هلابك يابو سامي والعذر والسموحة ياطيب الوجه
اسف اسف على التاخير الغير مقصود والله
بلشتلي مع مقرودً ومهاوي واربع ايام وهو يدوجبي
بهالبران كل ما قلتله نكسنا قال هذي اخرة الرفاقه
اخر شي تهاوشة انا واياه
بس تصالحنا عادي هو ولد عملي

استلم لاهنــت وختامها عندك يابو سامي

ان جات للتقوى لسبحانه عباداً خاضعين=وان جات لدنيا نميز زينها من شونها
مايسرج الرجّال خيله طامعً بالغافلين=وانته لاقمت بواجبك وقفاتنا تشوفونها