محاورة (العامودي ..... فوزي قابل مبيريك الغانمي)

السلام عليكم ورحمة الله وبركاته
الإخوه الأعزاء دار هذا اللحن بيني وبين الشاعر
فوزي قابل الغانمي
عسى أن ينال اعجابكم

واهج من الشوق يحريقني=يوقد وهجر الأحبه شاق
في تالي الليل أرقني=أون وابكي من الأعماق
أللي مضايقك ضايقني=هجرن بلا ذنب ماينطاق
مير اشرح الوضع إلحقني=قلبي تعاطف معاك وضاق
ياأحمد هوى البيض سارقني=والقلب يرجف منه خفاق
هاجس معي ما يفارقني=لاشاف برق الحيا ينساق
حديث الاشواق شوقني=وامسيت كني من العشاق
ومخايل البرق يرهقني=لاتسلم القلب للبراق
هذا اللذي صار صدقني=ماهي قضية قلم ووراق
واظنك انته موافقني=تسهر ليا حزة المشراق
في سدوجهي وفي دقني=ماشك في جيد الأخلاق
ومن قبلك العشق ذوقني=من لوعة الوجد والاشواق
مير الهوى لو يصادقني=لاعهد عنده ولا ميثاق
في رحلة الصبر رافقي= والصبر بعده يصير وفاق

ويصحابنا سامحونا

أبو عمر تسلم يمينك على هذا النقل

وصح لسانك ولسان الشاعر فوزي الغانمي

وتدوم ويدوم إبداعك

صحت السنتكم
والله يـعـطـيـكم الـعـافيـــــــــــة
بيض الله وجيهكم