فواز الزويهري @ عبد العزيز الزويهري .......جاهل و لابد يتعلم

"
"
"
"

فواز الزويهري=
الناس نامت وأنا صاحي =من جرح قلبي دوموعي دم
ياهل ترى اموت ورتاحي = ولا أعيش الحياة فهم
عبد العزيز الزويهري=
لا تزهق الروح بأتراحي = و بكرة على فعلتك تندم
لو كان ما كان ما لاحي = لك رب فوق السما يعلم
فواز الزويهري=
الرب قادر على إصلاحي =لكنه النفس لو تعلم
قادتني في فخ الأفراحي =ومن يتبع الود مايسلم
عبد العزيز الزويهري=
كل شي مكتوب في ألواحي = و لا انت جاهل في درب العلم
خلك مع الود صباحي = الليل لأهل الهوى منسم
فواز الزويهري=
خالفت مضواي ومسراحي =الليل لهل الفرح مغنم
ومن كان مثلي له نواحي = من سيد ناكر ولا يرحم
عبد العزيز الزويهري=
ما دامه عن دربكم ناحي = بتعيش ليل الهوى المظلم
خلك على درب وضاحي = فيه الهوى ساحة المبسم
فواز الزويهري=
عنيد جاكر ومرتاحي =مادمت عنده ولي يظلم
وإن غبت دمع الهوى ساحي = ما كني ألا أنا المجرم
عبد العزيز الزويهري=
هذاك في الود سباحي = جاهل و لابد يتعلم
والقفل يلزمه مفتاحي = و مفتاحك اسلوبك الاعظم