ديوان الشاعر قابل البشري

اعرفك فنان متمكن =تمشي على الطرق وتغني
وعندك سياسة وذوق وفن=وشارب من الفن والقني
وبكل لهجة عرب ترطن=وتخيط بازرق على بني
هذي حقيقة بكم ياهن =وايضا شهادة لكم مني
لكن فالمسألة لكن=وستين مليون لكني
من بعد اصبح يقيني ظن= وخيبت بعد الامل ظني
وصارالغلا غيرضحكة سن=لاعنك يحكي ولاعني
وحنا معزة ضربنا صن=وانت مسوي لنا اني
ونسيت من هوخويك من=واصبحت عمدا تجاهلني
وانا المعلم وانا الكبتن=مافيه منهو يعادلني
الطيب اصلي ولي معدن=من اب عن جد ياصلني
ولي ا الكرم والوفا والقن=واسأل اذا كنت تجهلني
وفالعرف والشعر نمبر ون=الله عطاني وكملني
مجنون عاقل فراسي جن =ولاهبت انسي ولاجني
ماني منافق ومتلون =ولاامشي مع السوق واليني
ولااجرح ولا اغلط ولايمكن=ابيع من هو مكملني
وادرى واداري ولاابين= ولا اعدي اللي تزعلني

الناس نامت وانا سهران= ليه نجم فالسما ساري
أرقب مغيبه وانا حيران=كلما انطفت ولعت ناري

نظم الشعرواستماعه فن=احد(ن) يصيبه واحد يخطيه
وفي بعض الاحيان لاتحزن=من يفقد الشي مايعطيه

ماكل من هو كسب قرشين= في سوقها ينحسب تاجر
ولاكل من هو بنى بيتين= بين العرب ينحسب شاعر

لاواهني الذي فاقد=مشاعر القلب واحساسه
يقضي ليال الشقا راقد=مرتاح من همها راسه

هذا زمنا غريب طباع=قل الحيا فيه والشيمه
فيه الذهب صارما ينباع=والفالصو صارله قيمه

ماجد=
نبغى نمسي على الشعار=باسم الصداقة وزود الود
وان مايجي للمثل مسعار=ندراه حتى يجينا ند
قابل=
مسيت بالخير مانحتار=عطنا علومك وتلقى رد
عندي لديناركم دينار=عملة بعملة ونقد بنقد
ماجد=
فالسوق بنجرب التجار=اللي تمغروا لهذا الحد
يبغون بالين والدولار=والاعلى ريال محدد
قابل=
فالسوق لاتامن الاخطار= من فوق يدك تعلت يد
مربوط سعر الذهب بعيار=وان زدت تلقى عليك ازود
ماجد=
اشوف وسط الصدف محار=واقول هذا الخبرمايعد
واليوم مافي شوير يشار=يكون شوره أمل للغد
قابل=
آنا اعرف أن الكبار كبار=وانت تشوف ونظرك يسد
عطنا معانيك يابيطار=ويجيك نقش المثل من جد
ماجد=
ان جات للعرف والمقدار=كل شي مخبور ومفند
هوالهوى برد ولا نار=ولا دفا بين قرب وصد
قابل=
من دون لايطول المشوار= البينة ماتبا مشهد
وحال الهوى يحكمه معيار= في يد من تعشقه وتود

لا يا زماني عليَ خف= لاتزيدني فوق ماجاني
لاتزيد همي عليَ ضعف=وجورك على جور خلاني

عبر الجوال مع الاخ الشيخ حسن الشنبري،وابوحاتم صديق عزيز
له لمسات خطيرة في الكسرة00واسلوب سهل في تناول المعنى00
--------------------------------------------------------------------------------

حـسـن الشـنـبـري =
لابد الايـام تثبـت لـك =وتشوف فيها معادن ناس
فكّروقلـي علـى مهلـك =الوضع في غايته حساس
قـابــل الـبـشـري=
أهل المثل قبلـي وقبلـك =قالوا بأن الرجال أجناس
واللي كسب معرفة مثلك =مايخلط الفالصو بالماس

ياقلب عزلك ... انا قررت=لو با تحملك مامد يني
مجمل ومشكور... ماقصرت=اللي حصل منك يكفيني