سبع اتصالات 1420هجري

جتني خلال اسبوع سبع اتصالات = من الهنوف أللي بعيدن بلدها
صدفة ولا اظن الهوا غير صدفات = تزيد في نفس المعنا لهدها
حكت وحطت داخل السمع نغمات = لا قبلها نغمة ولا من بعدها
هي الربابة وحكيها مثل الابيات = ابيات شعر والمغني نشدها
ولا هي قريب ولا ديرها قريبات = ولو اوعدتني كيف اجي في وعدها
وامسيت افكر واسهر الليل ما ابات = وعيني تزايد من سهرها سهدها
وونيت من ما بداخل القلب ونات = ونة عجوزن مات عنها ولدها
ويومن فرقهاوصار في اعداد الاموات = ماحولها منه يخفف نكدها
وتريضو ياهل مواتر وباصات = متوجهة للشام جاهز عتدها
اقفو خذو للاذقية رسالات = تحطونها للترف في كف يدها
رسايلن فيها سلام وتحيات = ورجا من المولى تجدني واجدها
فيها طلبت الله ولو بضع ساعات = مع مزنتن ما نسمع الا رعدها
عسى مطرها يحي عروق يبسات = وما ها يطفي نار زايد وقدها
ويالا بتي لا تكثرون الملا مات = الرجل تمشي حيث ما الله وعدها
تتبع هوا نفسي بالاقدام خطوات = ياالله عسى نفسي تحصل سعدها
وان كان شفنا من هوا النفس ويلات = الا واشقى روحي ألا واقردها
قدامها ايام وشهورن عسيرات = وسنين وجدن يعلم الله عددها

صح السانك وقصيده جيده

ولا هي قريب ولا ديرهـا قريبـات
ولو اوعدتني كيف اجي في وعدهـا
وامسيت افكر واسهر الليل ما ابـات
وعيني تزايد من سهرهـا سهدهـا
تحياتي لك

ياسلاااااااااااام صح السانك وبيض الله وجهك

قصيده جميله وجزل من جزل

لاهنت العامودي الله يعطيك العافيه

صح السانك
قصيده جيده

صح لسانك

كلماتك غايه في الروعه

أحييك على هذا البوح المتميز

دمت ودام شعرك وبوحك

صح لسانك قصيدة طيبة

	صح لسانك مليون على القصيده والله يـعـطـيـك الـعـافيـــــــــــة بيض الله وجهك

صح لسانك أخي الغالي