أعجبني الحادي بطرق الهلالي

أعجبني الحادي بطرق الهلالي=وهجرست توي بالهجيني أجاريه
ولياه في حاله وأنا أتعبت حالي=كلٍ على طرقه تحده معانيه
طرقه يهله من قراحٍ زلالي=وأنا شرابي عكَّر الوقت صافيه
من هم قلبٍ بين سالي وصالي=ومابين مليانه ومابين مافيه
مرَّة طعام المر يتلاه حالي=ومرَّة طعم حالي مراره في تاليه
وأنا بديت الحزن بأول هلالي=وهلال بأقفل به والأحزان تخفيه
والناس كلٍ للموالي يوالي=ماتعرف الوالي من اللي يواليه
عدٍ بلا دلوٍ عليه الحبالي=لا خير في دلوٍ تقطَّع عراويه
واحد تحسبه مثل صرف الريالي=وليا نصتك النايبة ما تلاقيه
وأحدٍ كما ثوبٍ من الشمس بالي=ماكل حملٍ لارتكى له يوقيه
وأحدٍ قمر مبداه وقت الزوال=مافاد نوره دام شمسه تغطيه
ولاذم من يكسر لغاليه غالي=لكن مرار الوقت ضيَّع حلاويه
العظم يجبر لانكسر بالعدالي=والخاطر المكسور منه يداويه
ولايشتكي عبدٍ من الهم خالي=لو كان مابه شيء بالحيل معضيه
لكن عسى رب الملا والجلالي=خالق جميع الكون مرسي رواسيه
يعين منه غرِّبته الليالي=وأمسى غريبٍ والبلاوي تحاديه
سبحانه اللي لابتلا بالبلاوي=كلٍ على قده ينزل بلاويه

صح السانك الشاعر لافي

قصيده جزله لاهنت

الله يعطيك العافيه

صح السانك وبيض الله وجهك
،
الله يحفظك
،
لاهنت

صح لسانك يالافي وكلك

جزلة من جزل عساك على القوة

	المشاركة الأصلية كتبت بواسطة جريح الفرقا

	صح السانك الشاعر لافي قصيده جزله لاهنت الله يعطيك العافيه

جريح الفرقا
،
صح بدنك
،
وشاكر مرورك
،
لاهنت

	المشاركة الأصلية كتبت بواسطة غازي الزغيبي

	صح السانك وبيض الله وجهك ، الله يحفظك ، لاهنت

غازي الزغيبي
،
صح بدنك
،
ووجهك أبيض
،
لاهنت

	المشاركة الأصلية كتبت بواسطة فايز الأحمدي

	صح لسانك يالافي وكلك جزلة من جزل عساك على القوة

فايز الأحمدي
،
صح بدنك
،
ولا عليك زود
،
لاهنت

لافي




صح لسانك



ابيات اكثر من رائعه


سلمت و دمت


تحيتي

	المشاركة الأصلية كتبت بواسطة أحمد الحربي

	لافي صح لسانك ابيات اكثر من رائعه سلمت و دمت تحيتي

أحمد الحربي
،
صح بدنك
،
والروعة حضورك هنا
،
لاهنت
،
تحيتي

	صح لسانك مبدع بكل حالاتك تقديري