ياسوق الاسهم بلا بشكلك

	المشاركة الأصلية كتبت بواسطة فايز السفري

	صح لسانك على الكسرة

صح بدنك يافايز السفري وحياك الله وابقاك

	المشاركة الأصلية كتبت بواسطة عامر الحربي

	الشاعر الرائع: مضحي بن جمران صح السانك وبيض الله وجهك واسمحلي بمجاراتك اعجبني الطرق وقلت مجاراه من شين طبعك ذبحت اهلك = من جاك تاجر رجع فقران الناس تنجي وهو يهلك = من جاك يالمهلك الهلكان نزول الاسواق يشركلك = وطلوعها ماأنت منه امعان بارك عسا القوم تبركلك = مالوم بك مضحي الجمران

اخوي العزيز الشاعر المبدع عامر الحربي صح بدنك وصح لسانك على المجاراه الجزله لاهنت ولاقلت ياعامر إلا عين الصواب ماهو بارك إلا مبرك ومعقل مع قوايمه الاربع والبلاء والجلاء وسط جوفه واخوك مضحي ماغير يردد هذا البيت

ياليتني ياليتني شريت لي ذود وغنم=ولا فتحة المحفظه اللي بها ثار اللغم

لله درك ياعامر على هالابيات لاهنت اينما كنت وتقبل تحياتي

	المشاركة الأصلية كتبت بواسطة فضولي

	صح لسانك ولسان عامر

سوقٍ يمشي للمجهولي=خلاني اخرج عن طوري
ياخوي الفاضل فضولي=بدنك يصح ومشكوري

	المشاركة الأصلية كتبت بواسطة حرف

	صح لسانك يامضحي وبيض الله وجهك وعلى قول ابو سامي الهوامير الهوامير دمت بكل الود ..

صح بدنك يابو باسم وجهك ابيض بكل جزله والله ياغالي اختلط سيلها والابطح واظن حتى الهوامير لها حيتانٍ تقرمشها يالله السلامه يابو باسم وتحياتي لك وللجميع

	المشاركة الأصلية كتبت بواسطة همس القوافي

	صح لسانك الله يعطينا خير الاسهم تقبل تحيتي

صح بدنك الله كريم ياهمس القوافي لاهنت على المرور وتقبل مني صادق الود والتقدير

	المشاركة الأصلية كتبت بواسطة الصييفي

	صح لسانك يا مضحي بن جمران و حسبنا الله على السوق و البوق و على ذكر المساهمة، اسمح لي: باعوا بيوت العمر لاجلك= و اللِّي طمع صار بك خسران ما احد(ن) سرق مالهم قبلك= أنت و هواميرك الزعران

صح بدنك ياشاعرنا الصييفي وصح لسانك على هذا الرد والمجاراة الجزله وتحياتي لشخصك الكريم

	المشاركة الأصلية كتبت بواسطة حرب

	صح لسانك يامضحي على الكلام الجميل وصحت اللسنت الاخوه على مجاراتهم الجميله الله يعطيكم العافيه

اخوي الشاعر المبدع حرب صح بدنك ولا عليك زود والاجمل من الجميل هو تواجدك ومرورك الجزل لمتصفحي لاهنت اينما كنت ياحرب وتقبل صادق ودي وتقديري والله يحفظك

ضحكني هذا الشطر يابن جمران
ياسووووووووق الأسهم بلا بشكلك
هههههههه
الله يعطيك العافية ماله إلا كذا

صح لسان ياشاعرنا المبدع .

ابو احمد

الله يعين كلن على مصيبته

لاكن الصبر نص المكسب وانا اخوك

والشرده نص الشجاعه

عاد انته تخير بين الصبر والشرده

والله يعطيك العافيه

على حروفك العذبه

في كل الاسـواق مامثلـك=من ماعرف حضرتك كسبان
ياسوق الاسهم بلاء بشكلك=يهـب يالدايـخ الوجعـان
من شين طبعك ذبحت اهلك=من جاك تاجر رجع فقران
الناس تنجي وهـو يهلـك=من جاك يالمهلك الهلكـان
نزول الاسواق يشركلـك=وطلوعها ماأنت منه امعان
بارك عسا القوم تبركلـك=مالوم بك مضحي الجمران
باعوا بيوت العمـر لاجلـك=و اللِّي طمع صار بك خسران
ما احد(ن) سرق مالهم قبلك=أنت و هواميـرك الزعـران
ياسوق جينا بما نملك=بعنا العماير وبعنا الضان
وكلتها من ضمن اكلك=والكل منا وقف بلشان