ياسوق الاسهم بلا بشكلك

في كل الاسواق مامثلك=من ماعرف حضرتك كسبان
ياسوق الاسهم بلاء بشكلك=يهب يالدايخ الوجعان

اي والله ياخوي يامضحي
الاّ يهبا هالسوق
واظن هذا تمهيد لجعل السهم بريال
وربك يستر من الهوامير
على العموم صح لسانك وبيض الله وجهك
على هذا الشعور النبيل تجاه اخوانك المساهمين
في سوق الاسهم

صح لسانك على الكسرة

	المشاركة الأصلية كتبت بواسطة مضحي بن جمران

	في كل الاسواق مامثلك=من ماعرف حضرتك كسبان ياسوق الاسهم بلاء بشكلك=يهب يالدايخ الوجعان

الشاعر الرائع: مضحي بن جمران
صح السانك وبيض الله وجهك واسمحلي بمجاراتك اعجبني الطرق وقلت مجاراه

من شين طبعك ذبحت اهلك = من جاك تاجر رجع فقران
الناس تنجي وهو يهلك = من جاك يالمهلك الهلكان
نزول الاسواق يشركلك = وطلوعها ماأنت منه امعان
بارك عسا القوم تبركلك = مالوم بك مضحي الجمران

صح لسانك ولسان عامر

صح لسانك يامضحي وبيض الله وجهك
وعلى قول ابو سامي الهوامير الهوامير
دمت بكل الود ..

صح لسانك

الله يعطينا خير الاسهم

تقبل تحيتي

صح لسانك يا مضحي بن جمران
و حسبنا الله على السوق و البوق
و على ذكر المساهمة، اسمح لي:

باعوا بيوت العمر لاجلك= و اللِّي طمع صار بك خسران
ما احد(ن) سرق مالهم قبلك= أنت و هواميرك الزعران

صح لسانك يامضحي على الكلام الجميل
وصحت اللسنت الاخوه على مجاراتهم الجميله
الله يعطيكم العافيه

	المشاركة الأصلية كتبت بواسطة الشاكر أبو سامي

	اي والله ياخوي يامضحي الاّ يهبا هالسوق واظن هذا تمهيد لجعل السهم بريال وربك يستر من الهوامير على العموم صح لسانك وبيض الله وجهك على هذا الشعور النبيل تجاه اخوانك المساهمين في سوق الاسهم

اخوي العزيز ابو سامي سوق يحير

ياصحابنا وش العمل=والحب واكله الجمل
والسوق هاموره رقا=من جيب مسكيين شقا
للقاع عجل الانحدار= ماهوبصحيح انهيار
مثل سونامي لا اشد=كوارثه من دون عد

والسلامه منه مكسب يابو سامي وتحياتي لك وللجميع