00000000000 ( نصيحة غالية وشهادة أغلا ) 00000000000

$



السلام عليكم ورحمة الله وبركاته




$




$

=العسال
منهُ نصاني وليه قال= جيتك ولا تردني فيها
لاقال تكفى وله منزال= يطلب عيوني له اهديها
=استاذي
صحيح تكفى تهز رجال=تقضي المطالب لراعيها
وان كان فالمسالة اشكال=اعرض معانيك واسميها
=العسال
اليوم زود لي المكيال=رجح لروحي ماسيها
قاسي كلامه علي انهال=هز المشاعر ويكويها
=استاذي
اعرفك من خيرة العقال=سايس امورك وداريها
ابحث عن اسباب هذا الحال=يمكن له اسباب يبديها
=العسال
في موقفه خابت الامال=حتى وعوده مايوفيها
وزاد البلا هرجة النقال=والعاقل اللي يماشيها
=استاذي
بلا سبب ماتغير حال=حكمه بلا شك توحيها
فالمشكله كلم الرجال=يمكن يبين خوافيها
=العسال
لو كان عنده عذر ينطال=ماكان حالي لك اشكيها
ماغير مني اساه ينال= وأهل النميمه يراعيها
=استاذي
هيا اسمع الحكم يالعسال=ونصيحتي لاتخليها
وش عاد تبغى من البطال=نفس(ن) تبيعك لاتشريها

0000000000000000000000

=استاذي
معزتك ما عليها خلاف=وكلمة الحق بابديها
والله تستاهل الاشراف=خيّالها انته وراعيها
=العسال
تسلم على شعورك الشفاف=عاش الاحاسيس قاريها
ومنهُ تعلم من العراف=شهادته يفتخر فيها

$

الف شكر يالعسال على اتحافنا بهذا اللحن الجميل بينك وبين استاذك
الله يعطيكم العافيه

تسلم أخي الكريم

أبو فيصل

على هذ اللحن

الذي كان فيه التلميذ حاد اللهجة

بينما اتصف الأستاذ بحلمه

كيف لا فهو أستاذ

يعرف أجواء تلميذه

وما يتماشى معها من أسلوب

أخي العسال

جزاك الله كل الخير على هذا النقاش الهادف

وجزى أستاذك وزاده من فضله