نبغى معاني وفك قيود

مـــــاهـــــر ابـــوخــــالــــد =
نبـغـى معـانـي وفــك قـيـود = فــدروب ثـبـتـت غمامـتـهـا
سـلام مـرفـق مـعـاه الـعـود = مالـي هـوى فـي عطارتـهـا
بـــــيــــــان الـــصــــمــــت =
ترحيب رفقة سحب ورعود = تغـسـل لــك الـهـم رشـتـهـا
وابشر بسيـل النقـا ونجـود = تلقـى بهـا النـفـس راحتـهـا
مـــــاهـــــر ابـــوخــــالــــد =
لاتـلـزم الـجـود بالـمـوجـود = ولاتعـطـي العـيـن غفوتـهـا
أمـا علـم يعتـلـي المنـشـود = ولا عـلـى الـبــاب صكـتـهـا
بـــــيــــــان الـــصــــمــــت =
خلـك علـى خطـك المعـهـود = لا تطـغـي النـفـس فورتـهـا
من زود فضلٍ عليهـا نجـود = ارتـــاح وابــــدا حكـايـتـهـا
مـــــاهـــــر ابـــوخــــالــــد =
تابع معي واعرف المقصود = عـن نفـس شافـت أمارتـهـا
تفرض ولا تحسب المـردود = لــو كــان يحـمـل نهايـتـهـا
بـــــيــــــان الـــصــــمــــت =
ما اظن باب العقـل مسـدود = يـعــرف مـداهــا وغـايـتـهـا
وان لزّمت في أمـل موعـود = يحـسـب عليـهـا فخطوتـهـا
مـــــاهـــــر ابـــوخــــالــــد =
حسّب لهـا وأبـذل المجهـود = تخـرج عــن الـقـن حالتـهـا
مـحـال تـلـزم عـلـيّ حــدود = فالشـرع مـا جــات لزمتـهـا
بـــــيــــــان الـــصــــمــــت =
الشرع ماهو لزمـن محـدود = ويـراعـي ظــروف حـدتـهـا
تبقى العلل فالمجـال شهـود = والمحكـمـة تـقـول كلمـتـهـا
مـــــاهـــــر ابـــوخــــالــــد =
سعت لعـل المساعـي تعـود = وللمـيـل تـجــزم بصحـتـهـا
الحـظ عانـد عطاهـا صـدود = وتـعـانـده لــجــل رغـبـتـهـا
بـــــيــــــان الـــصــــمــــت =
النفـس مـن طاعهـا ملهـود = يـحـبـس مـعـاهـا فغربـتـهـا
رغـم الشبـه تنقـذ المحـدود = ثــابــت أمــامـــي أدلـتــهــا
والآن جاك الحكـم مرصـود = جـامــع بـالاسـبـاب نيـتـهـا
بالنص واضح من المعبـود = يضـمـن وجــوده سلامتـهـا

الغالي ماهر ابوخالد صح لسانك
ولسان بيان الصمت والاخوان اللي ردوا
محاورة جميلة
دمتم بكل الود ...

	المشاركة الأصلية كتبت بواسطة حرف

	الغالي ماهر ابوخالد صح لسانك ولسان بيان الصمت والاخوان اللي ردوا محاورة جميلة دمتم بكل الود ...

هلا وغلا بخالي لاعدمناك يالغالي
صح بدنك وهذا من ذوقك الطيب ربي يحفظك
دمت بالف خير وشكرا على تشريفي بمرورك وحضورك

شاعرنا الجزل الماهر ابو خالد صح لسانك وصح لسان الشاعر الجزل بيان الصمت وصحت السنت جميع من شاركو بهذه المحاوره وبيض الله وجيهكم محاوره في منتهى الروعه والجزاله لله دركم على هذا الفن الراقي وتحياتي للجميع والله يحفظكم

	المشاركة الأصلية كتبت بواسطة مضحي بن جمران

	شاعرنا الجزل الماهر ابو خالد صح لسانك وصح لسان الشاعر الجزل بيان الصمت وصحت السنت جميع من شاركو بهذه المحاوره وبيض الله وجيهكم محاوره في منتهى الروعه والجزاله لله دركم على هذا الفن الراقي وتحياتي للجميع والله يحفظكم

هلا وغلا بسلطاننا هلا بالغالي صح بدنك يالحبيب اخي الغالي واستاذي مضحي شرفتني بحضورك واطلالتك يا سلطان الجزالة لاعدمناك والروعة في تواجدك يعطيك الف عافية ودمت على الخير والعز وتحياتي وتقديري لشخصك الكريم

	المشاركة الأصلية كتبت بواسطة ماهر ابو خالد

	نبغى معاني وفك قيود = فدروب ثبتت غمامتها سلام مرفق معاه العود = مالي هوى في عطارتها

الله الله الله
ماهرابوخالد
تسلم تسلم مليوووون
صح السانك وبيض الله وجهك
والله لايحرمنا منك ياالغالي على الدررالجميله
الله يعطيك الصحه والعافيه دوما انشاء الله

ولكم خالص احترامي وتقديري

	المشاركة الأصلية كتبت بواسطة وليف الشوق

	الله الله الله ماهرابوخالد تسلم تسلم مليوووون صح السانك وبيض الله وجهك والله لايحرمنا منك ياالغالي على الدررالجميله الله يعطيك الصحه والعافيه دوما انشاء الله ولكم خالص احترامي وتقديري

هلا وغلا يابو منى سلمت وسلم غاليك
صح بدنك ويعطيك العافية على حضورك ومرورك
ولايحرمنا منك ولا من تواصلك
دمت بالف خير وصحة وتحياتي وتقديري لشخصك الكريم

ابوخالد,,ابومحمد صح السنتكم لحن رائع يعطيكم العافية

الاخ الغالي الرائد صح بدنك ويعطيك الف عافية
اسعدني مرورك ودمت بالف خير وصحة

ماهر وبيان

بصراحة كلام اجبرني على الكتابة

ولو اني مافهمت عن ايش يدور الكلام

لكن اشوف ان المعاني عمييييقة ونفسي اعرف مركز الموضوع رغم ان كل بيت قضية لوحده

عيني عليكم باردة

وصح الله لسانكم واتمنى اشوف الكثير من مثل هذا النقاش ويمكن فيه لكن مادلتني حصيلتي الشعرية

ويعطيكم العافية