كسرة لها موقف

صراحة روائع من الذهب...... صحت السنتكم


وهذي كسرة لم استطع نسيانها وكل ما ذكرت وقفتي وانا اقولها تجيني قشعريرة.

انا كنت مبتعث إلى بريطانيا وجلست فيها قرابة السبع سنوات، وفي آخرها كنت أعكف على كتابة رسالة الماجستير فإضطريت إلى إرسال زوجتي وأبنائي للسعودية. وبعد ماخلصت واستلمت الشهادة والحمد لله، رجعت السعودية شهرين ورجعت مرة ثانية بريطانيا علشان اخلص اوراقي وارجع مرة وحدة. وأول ماوصلت لغرفتي وفتحتها جلست أنظر في الكتب والأوراق والبراد حقي وفناجيل الشاهي والطاولة والطاقة المكسورة وتذكرت المطر يوم ينقط على وانا نايم... المهم انه مرت كل الأيام خلال السبع السنوات على في تلك اللحظة، وقلت هذي الكسرة وانا واقف ماجلست:

والله ماأنساك يا أيام=خطت على صابري ذكرى
بالحبر الأبيض مع الأختام=ياصاحبي شوف وش تقرا

وسلامتكم

محبكم/ المينا