الى ناصر العوفي مع التحية

سلام مخصوص ياناصـر = ينصاك بالطيب يالغالـي
ويضفي على جابر وشاكر = وثامر ويحفظهم الوالـي
ترحيب يا حضرة الشاعر = ياللـي مقامـك معـي عالـي
وافي ولا أنته معي قاصـر = وطاريـك دايـم علـى بالـي
تبقى ولك يشرح الخاطر = ياجيـد العـم والخالـي
بشر بالاخبار وش صاير = خابرك حمال الاثقالـي
أنا على خبركـم قـادر = بفضل قدره من الوالي
لازال في المسأله ناظر = محسوب من قوم عذالي
خلك على صبرك مثابر = بالصبر ينحل الاشكالـي
بكره يصير الفرح غامر = وتسير في المركز العالي
ما أخفيك فالوارد الصادر = اللي منه منسقـم حالـي
لازلت في حالتي صابـر = وأدعي الولي يحقق آمالي
مادام بالمعرفة فاسـر = حييت في اقفاي واقبالي
انا تحت خدمتك وآمـر = افزع بجاهي وبافعالـي
تعال وأنظر ولا تشاور = ومثلك لنا طيب الفالي
وفي الدار ميعادنا باكر = ونعد الأول مع التالي
نمشي على القن والسايـر = من بادي الوقـت للحالـي
اول مسـاعـي وابــادر = بارسل على الخاص جوالي