والقيل نسطا على بحوره ...................... فواز الزويهري & ياسر الكبيدي

السلام عليكم ورحمة الله وبركاته


أسعد الله مسائكم بكل خير


أحببت أن أنقل لكم هذا اللحن الذي جرى بيني ( فواز الزويهري ) وبين ( ياسر الكبيدي )

في منتديات ينبع النخل

أرجوا أن ينال رضاكم واستحسانكم

فواز الزويهري=
سلام من منبع الأمثـال=والقيل نسطا على بحوره
مرفوع سامي عن الجهال=والطيب من عندنا زهوره
ياسر الكبيدي=
يامرحبا بمذهب العقـال=اللي علينا ظهـر نـوره
صافي مصفى عن الأنذال=والوقت مانطاوع قصوره
فواز الزويهري=
ليت البقا يزيدكم إجـلال=والساس راسي علا سورة
وااللي بلا عرف حاله حال=رجله مع الناس مكسوره
ياسر الكبيدي=
لاطاح حمل الجمل أو مال=وإهتزت فعينك الصـوره
قصوره في ذمة الجمـال=لا طشه فدرب محظـوره
فواز الزويهري=
راع الجمل قدر الأحمـال=فوق الجمل حط مقدوره
وراع السفينة تركها لحال=غاوي ولعب البحر دوره
ياسر الكبيدي=
لوم البشر يلحق الكيال=لازود الكيل منظـوره
أما السفينه لها رجال=بحريته حوز ماتشوره
فواز الزويهري=
راع السفينة طوته آجـال=وفاليد بقيت لكـم صـوره
من بعده البحر صار أهوال=مير المخاليـق مغـروره
ياسر الكبيدي=
فعل البحر ماعليه أبطـال=ياكم منـه روح مغـدوره
وياكم بين الرجال رجـال=تضحك والأجراح مصروره