برنامج المليون

السلام عليكم ورحمة الله وبركاته
الى ابناء القبيله اعضاء هذا المنتدى
اليكم هذه المصافحه وهي عباره عن قصيده
تعبر عن نفسها واترككم معها
واقول فيها

ماني سفيه ولامطرّد مجانين=ولاني على طرد الملايين شفقان
برنامج المليون خسّر كثيرين=ياللي تصوت ليه عودت فقران
عقب الغنى عودت ضمن الفقيرين=شاعرك روّح مادرى عنك يافلان
ياشيب عيني من فعول الوراعين=مهايط وتصويت وعلوم بزران
مليون واحد مير ولّد ملايين=ماهي حميه لا ولا علوم شجعان
كل القبايل بالعزاوي كثيرين=يوم الفعايل بين طلقه ونيشان
لكنّ وقت الحين جونا بزارين=زادو علينا الهمّ بالهرج ورعان
اللي على كثر المصايب سليطين=لكنّ وقت الفعل ماشفت فرسان
وين الشجاعه بالعراق وفلسطين=مجد العرب قد ضاع له مدة ازمان
حنا العرب عند المصالح ذليلين=كلٍ يغني لليله الليل يادان
نمشي مع امريكا بسلم وقوانين=وقانونهم يمشي علينا ولا شان
واكلة الخنزير هاك الملاعين=جابو النبي بكل زورٍ وبهتان
يالله ياربي مجيب المصلين=تعطيهم الامراض بالحان بالحان
وتجعل بهم عبره ل الاقصى والادنين=يالله ياربي عظيمٍ بك الشان
وين القبايل وين فعل الشجيعين؟=يالله غزينا ديارهم قوموا الان
وين العرب ياهيه؟ وين الميامين؟=ياربعنا لاصحت عربان عربان
ودي تثور النار وتطلع براكين=ودي يصير الذبح والصلخ يافلان
لعيون منهو خاتمٍ للنبيين=منهان يامن جيت بالزور منهان
العز بالاسلام والعز بالدين=والنور كله في تلاوات قرآن
يالله عسى قافي يهز العديمين=ويعود مجدٍ كان بديار الايمان

وسلامتكم لكم خالص المحبه والتحايا
اخوكم فهد بن حمود البيضاني

صح الله لسانك
ولاهنت
وسلم فكرك وبنانك
دمت برعاية الله وحفظة

	صح لسانك مليون على القصيده والله يـعـطـيـك الـعـافيـــــــــــة بيض الله وجهك

صح لسانك
..
..
أسجل اعجابي بالقصيدة
..
ويعطيك العافيه ..

	وين الشجاعه بالعـراق وفلسطيـن مجد العرب قد ضاع له مدة ازمـان بيض الله وجهك وصح لسااانك ملايين قصيدة يالبيضاني عن عشرقصائد يعطيييييييييييييك العاااافيه سجلني احد المعجبين بماتكتب اخوك/عيسى العوفي

فهد حمود


صح السانك وجهك ابيض قصيده جزله الله يعطيك العافيه

فهد حمود البيضاني

صح لساااااااااانك وبيض الله وجهك ياذيب على هالقصيده المؤثره

لك كل الود والتقدير

صح لساااااااااااانك وعلا شانك

قصيده وافيه ومن راس وافي


لاهنت ولاهان هذا الحضور


تقبل تحيتي

صح لسانك يالذيب

.. ولاهنت

نص راقي ..و عذب المعاني .. !

سلمت مشاعرك ..

دمت بـ إبداعك

وحيد الجزيرة