][ أقلام وراء القضبان حتى ؟؟؟ ][

مسجون قلبي كما العصفور=في يـد سجـان مايرحـم
حزين وسط القفص مأسور=يحرى قراره متـى يعـدم
بحار هايم فوسط بحور=واليوم حظه غدا مظلـم
صحيح ان الليالي تدور=والقيد في معصمه محكم
جبار قاسي عليا يجـور=وبالعكس قلبي معه ملهم
ليته سجني فوسط الدور=اللي عن الحال ما يعلـم
مازلت في عزلتك محكور=ولاظن ياصاحبـي تسلـم
واجب انادي لك الدكتـور=يكشف ويصرف لك البلسم
مشكور يابوفرح مشكور=والله السجن عندهم ارحم
وانتا معي ماتشوف النور=اعمى يداوي اصم ابكـم
خابرك ياصاحبي مطيور=غير السمك مالكم مغنم
ان كان ماتونس الباكور=ماينصلح حالك المعـدم