من يوافقني ... الراي

أهــــــــــــــــــــااات=
يازين رسم المثـل لاجـاك=خالي من الغمز والتلميـح
ومن كان عنده عقل وادراك=مايقربه مشرط التجريـح
الشاكر ابو سامي=
يازينه القيل من شـرواك=واضح مايحتاج له توضيح
ولو مامشينا على معنـاك=راحت هبا في مهب الريح
أهــــــــــــــــــااات=
تسلم وتسلم لنـا يمنـاك=وردك على ماذكرنا مريح
كل الشكر ياخوي ينصاك=من موقعي لين وادي بيح
الشاكر ابو سامي=
سبحان من سخر الافلاك=تجري على موج بحر يفيح
لو ما حفظها الذي سواك=في قاع عمق البحور تطيح

مشرفنا القدير / الشاكر ابو سامي . شاكر ومقدر لك مراديدك الجميله

صح لسانك وسلم بنانك ولك خالص التحيه والتقدير .