ديوان الشاعر نعيم عابد السيد ( القلب الدافئ )

سلام يا عمنا سمران=بالود والصدق والتقدير
تسمح معي نبدع الألحان=ونجاري الشوق يوم يطير
ترحيب من منبع الوجدان=يا راعي العرف والتبصير
شرواك يا الهاشمي ربان=دكتور فهذا المجال مدير
منك العفو يا صقر شيهان=شهادتك لي يوم تشير
لي نجم من سبته سهران=شاغلي العين والتفكير
شيد الامل واحكم البنيان=لو كان جافي وعليك يجير
اجيال ضاعت مع الاحزان=اصحى تكدر مهما يصير
ما فيه بيناتنا هجران=خلك معي وافهم التعبير
مسجون طيري ورى القضبان=وابى استشيرك فالتحرير
يا قدرة الله عليك وكان=شكواك ما تحمل التأخير
سايس امورك مع السجان=عساه يعفي عن التقصير