سلام ياحرب واسمك رمز ................ ( شاعرنا حرب )

سلام ياحرب واسمك رمز=فيه الفخر والوفا السامي
اليوم نكتب معاك الهمـز=فوق الألف فن مرسامي
ترحيب فيه الشرف والعـز=باعـداد هبـات الانسامـي
وانته وانا صرّفنا من كنـز=وكل(ن)تحصّل على اوسامي
عساك تبقـا جديـد البـز=من خامت الطيب.. ياقطامي
روح الفتى للمعالـي تفـز=مير أقبل الوقت بعسامـي
لاشك شـرواك مايعجـز=ومن شان تحقيق الاحلامي
ثقتـك فالنفـس لاتهتـز=وحذراك تنكيس الاعلامي
معلوم دايم وأنا أنجـز=في يمن ولا بعد شامي
مير المبادئ بدت تبتـز=فالجيل وهذا بلا اسقامي
هذا الذي فالنفوس ايحز=ومصدر آلآمك وآلامـي
لكن دور الفتـى يبـرز=لاصار للجيل مقدامـي
ولد الحموله بـ(كاب) وجنز=غير الأساور له أوشامـي
دوره بفعلـه فقلبـي كـز=فالغرب معجب بهم هامـي