ديوان الأشجان في لحن الدان ( فواز الزويهري ) .:،’,,.:،,.:،,.:،,.:،,.:،,.

درست فالفلسفه المنطـق=وجدت فيه الحدث باسباب
والغرب لابد لـه مشـرق=والوصل من منطق الأحباب
بين النظر والفعـل تفـرق=راجع أمورك وصف حساب
من معطيات القوى نسِّـق=واذا النتيجة معك لاتهـاب
الجذب في قوتـه نرفـق=معها المسافه على الاتعاب
ظني ( نيوتن ) ولد يعشق=صنف لنا الانجذاب كتـاب
دليل واضـح لكـم مرفـق=لكن خـط النهايـة غـاب
وبعض التجارب لهب يحرق=وتبقى النتيجة ورا الأبواب
(كافنديش ) قال الهوى أعرق=بعد التجارب ينال إعجـاب
جسمين في جذبهم نـرزق=ولا الفشل من يحوزه خـاب
علم البشر شي مـا ينطـق=مع شرع ثابت عن الأصحاب
ومن طاع جذب الهوى يغرق=والشمس تشرف على المغياب
للشرع ياصاحبي نطـرق=وبالشرع فالفلسفه طلاب
ولولا الشريعه ترى نمرق=والشرع يأمر بدق البـاب
مادام برق الحيـا يبـرق=والعين حطت على الأنجاب
لزوم ضو الفرح يشـرُق=وخل النتيجة على الوهاب
الضو في سرعتـه يخـرق=عند التصادم عجب واعجاب
والشيخ في مذهبه يرفـق=بين الثنينه بلا استغـراب
ضو الهنا ماعنـه مَـدْرَق=وانا وصلني عليـه خطـاب
هـات البيانـات والمَفْـرَق=لايصير عقب الحقوق أنشاب
جاته رساله ولهـا مـزق=وبعض الرسايل عليها عتاب
وأسألك ياصاحبي ..الأعـرق=الوصل ولا الجفـا الغـلاب ؟
مايصير ياصاحبي وثِّـق=بعض الرسايل لها طَّلاب
نار الهوى تشيِّب المفرِق=حال الهجر والوصل تنتاب
خط الرسايـل بـدا يقلـق=في وادي تعوي ببطنه ذياب
ولد الهوى بالهوى يشرق=والهجر طارئ من الاكذاب
لك ماضي القول لايُهـرق=حسب الذي سجّل الكُتَّـاب
وقدام قدر العشـا يحـرق=وفَّي وعليكم حجج وكتاب
وحقوق للنـاس لا تغلـق=قبل نتحاكم إلى المشعـاب
فيها المقيد مـع المطلـق=وبالحكم هذا اللحن قد شاب