خالد الجدعاني وماهر العصلاني في لحن الأسبوع الثامن اليوم الأربعاء 8/1/1429هـ

	المشاركة الأصلية كتبت بواسطة البحار خالد

	اصالةً عن نفسي ونيابه عن اخي وزميلي /ماهر العصلاني اشكر الجميع على الحضور والمرور في بيتنا الطيب ( ملتقا حرب) واشكر اخي / صقر المقرح على المجهود الجبار والمميز في هذا الملتقا واشكر اخي وزميلي / ماهر العصلاني على التجاوب الأخوي لهذه الأمسيه وبإسم الله نبداء:ـ سلام مثل الزهر فواح=يسري شذا مع نسيم الليل ينصاك يانورنا الوضاح=صافي النقى والرقيب سهيل

	المشاركة الأصلية كتبت بواسطة ماهر مبروك العصلاني

	يامرحبا بالحيا اللي لاح = وانهل وبله وسال السيل والهم من قولكم ينزاح= والصدر منه الغموم تزيل

	المشاركة الأصلية كتبت بواسطة البحار خالد

	بقدومكم هلت الأفراح=ودلال مبهره بالهيل واجب لكم والعلوم اصحاح=لهل الوفا زود فالتكميل

	المشاركة الأصلية كتبت بواسطة ماهر مبروك العصلاني

	خابرك مانته بها مزاح = وقت الحمايل سواة شعيل لكن هيا بدا المصباح= اسرع خطاكم وشد الحيل

	المشاركة الأصلية كتبت بواسطة البحار خالد

	السلام عليكم ورحمة الله وبركاته اخي الغالي ماهر العصلاني عذراً على التأخير.. بسبب واجب اكملناه وعدنا لكم . سلمت والحاضرين وصح لسانك وبيض الله وجهك :ـ وتقبل لاهنت. غزير بحر الهوى ياصاح=اسود ظلامه يهد الحيل كيف البصيره ونا سباح=الموت شفته وشفت الويل

	المشاركة الأصلية كتبت بواسطة ماهر مبروك العصلاني

	فبحر المحبه تروح ارواح= كله لجل نظرة الدربيل شاللي جبركم على المرواح= مادام ماانته لها حلحيل

	المشاركة الأصلية كتبت بواسطة البحار خالد

	ماخفت من قوة الأرياح=وماهمي موج البياح يشيل شامر شراع السعي مرتاح=وإن شملت للمغيب اميل

	المشاركة الأصلية كتبت بواسطة ماهر مبروك العصلاني

	مادام مابك الم وجراح= ليه الشكاوي وقال وقيل لكن خوفي تجيك رماح= ولياك غارق فنهر النيل

	المشاركة الأصلية كتبت بواسطة البحار خالد

	انا بلايا من اللي راح=والقلب مايقبل التبديل قاسي عليا ودمي ساح=قفا وماجابلي تحليل

	المشاركة الأصلية كتبت بواسطة ماهر مبروك العصلاني

	شخصٍ سقاكم بسم ذحاح= حرام دمعك عليه يسيل واللي محرم حرام يباح= في محكم القول والتنزيل

	المشاركة الأصلية كتبت بواسطة البحار خالد

	فبحور حنا لها اشباح=ماهو لكم قصد بالتقليل النيل رحنا عليه سواح=سلسول كنه خشيم الفيل

	المشاركة الأصلية كتبت بواسطة ماهر مبروك العصلاني

	للباب يا صاحبي مفتاح= للي حسب مترها والميل وشلون ضوت بلا مسراح= ضويتها شيل حط وشيل والعذر والسموحه,,,,,,,,,,,,,,الى لقاء اخر

	المشاركة الأصلية كتبت بواسطة البحار خالد

	تسلم ياماهر وصح لسانك وتقبل ردها صافي سقاني عسل فالراح=وشربت كاسه بلا تمثيل ودق الخطر ساعة المرواح=ياقل جهده وقل الحيل

	المشاركة الأصلية كتبت بواسطة البحار خالد

	سلمت اخي ماهر العصلاني وصح لسانك وبيض الله وجهك واشكر الأخوان بدون استثناء على الحضور والمرور والمتابعه ماعليكم زود جميع.. وسامحونا إن كان هناك تقصير مني او من اخي ماهر وتقبلوا تحياتنا: كما اهدي اخي ماهر كسرة مسك الختام: ـ تقدير ياشاعر العصلان=يامنبع الطيب والقني اللي لهم فالشعر برهان=يقدح كما يقدح الزندي

خالد الجدعاني & ماهر العصلاني
مساجلات رائعة بين عملاقين
كفيتم ووفيتم ويعطيكم العافية

والله يبيض وجيهكم جميعأ