مرصود في شاشة الرادار

فكره عليها الغموض غبار=بالبرمجه ماتحللها
تقرير فكري من البيطار=واسع خياله تخيلها
حامت على يابسه وبحار=وعلى الخريطه تجوّلها
بقيادة الكبتن الطيّار=على المدرج ينزلها
مرصود في شاشة الرادار=سماك وأرضك بكاملها
واللي هبط عندنا ماطار=لين المسايل يفصلها
ويبيّن الحاصل اللي سار=وأصل الحقيقه من أوّلها
بعدين نكتب عليك إقرار=وصوره لمرجعك نرسلها
ياهيه ماللخفيّ ابصار=تطفي الحقيقه مشاعلها
ذي فلسفة شعرواستثمار=بين المعاني تداولها
أوصيك بالعزم والإصرار=وفروض ربك تحملها
في هندس الفكر لاتحتار=ياستاد وانته معلمها
اللي عليها حجب وستار=مسؤولها مثل سايلها
حيّيت ياملفت الأنظار=مثلك يشرف مقابلها
والشعر في ذمّة الشعار=وكل كلمةٍ باسم قايلها
والصايبه في علمها نار=دلّت عليها دلايلها