صاحب موده يجاوبني @@@

السلام عليكم

مساكم الله بالخير

وكل عام وأنتم بخير

اللهم سلمنا رمضان وسلم لنا رمضان
قلبي أمتحني بسؤال أحرجني فيه (هههههههههههه) وحيرني

وقلت مافي إلا أهل العلم ( الهواوية ) يجاوبوني عليه ( اللهم إني صايم )

الســــــــالفة وما فيها :

قلبي سألني وقلت أنظر=صاحب موده يجاوبني
فشهر الصيام الفتى يقصر=حبل الموده أفيدوني

بسرعة الرجال صايم بكره ههههههههههه

دامك عن الحب ماتصبر= خذ النصيحه وطاوعني
حبيت ناس وعجزت أهجر= ولاصار شيءٍ يلوموني
قلبي تقطع وجاه أكثر= ما شفت من قال وشلوني

بالصوم ياصاحبي مجبر = والهجر ماساع راودني
والمشكله صومنا يكسر = عند المواصل وحررني

الاخوه كل عام وانتم بخير
فواز
فهد

الله الله على الكسرات الرائعه

الإخوة الإعزاء

فوّاز

فهد

إستمروا نحن معكم متابعين لهذه المساجلة

الجميلة ، إلى أن نصل لحل يرضي فوّاز ويلقى به

الإجابه لسؤال قلبه.

تقبّلا تحيّتي

أنا إيش اللي خلاني أتلقف وأرد على الكسرة مسوي فيها فنان الله يستر .


وأعتذر أخوي فواز هذا اللي طلع معي :

من عاش ياصاحبي فكر= ولامن توكد مشى هوني
واللي ردى حظه متهور= يصير في الحب مجنوني

أشكر الجميع على الردود الرائعة التي عطرت الأجواء بروائح المسك .

صحت السنتكم وبيض الله وجيهكم

رائع جدا

ولكن استمروا

,
دعونا نستمتع

الشاعرين / فواز الزويهري وفهد اليوبي

بيض الله وجيهكم


تقبلا مروري










..........عزام

	المشاركة الأصلية كتبت بواسطة فهد اليوبي

	أنا إيش اللي خلاني أتلقف وأرد على الكسرة مسوي فيها فنان الله يستر . وأعتذر أخوي فواز هذا اللي طلع معي : من عاش ياصاحبي فكر= ولامن توكد مشى هوني واللي ردى حظه متهور= يصير في الحب مجنوني أشكر الجميع على الردود الرائعة التي عطرت الأجواء بروائح المسك .

اللي خلاك ترد طيب أصلك
وبك من نفح الهوى نافح شكلك هواوي وأنت ماتدري ههههههههههههه

اليوبي في قوله أفطر =والفطر ما دار في ظني
القلب ياصحابنا يصبر=والصبر فالود مسْقِمني

أشكر الجميع على المشاهذة والمساركة والتعليق
وأخص منهم
ولد المقرح
ورقان
الحميدي المخلفي
راعي الحناكيه
عزام
وللجميع أوفر الثناء وأصدقه

اللهم إني صايم اللهم إني صايم اللهم إني صايم

بعد التراويح يالربع