ردي على الشاعر / سعود المبيريك

السلام عليكم ورحمة الله وبركاته:
هذا مردي على قصيدة الشاعر المبدع / سعود المبيريك

فكيت يسر اللي مدار الكتايف= له مدةٍ والباب دونه مطرف
يهوم هومات الوَحَشْ للمضايف = تسنح له الفرصه تراديد ويعف
ماهو معودها لشرب العذايف = ويحق له عما يريب يتزنعف
عن قول وش تقصد وتخمين زايف = من واحدٍ يلقف لها ويتزرهف
عطيت دربٍ واتجاهٍ مسايف = ابستريح من المنافق والأشتف
راضي مايرضي الرجال العرايف = شاموا وخلوها لناسٍ ملقف
اللي تبيع وتشتري بالضعايف = في سوق ياسر بالنقود المزيف
يسمع وراهم زغردات وهتايف = صار الفخر للي يصف الحكى صف
واللي كلامه تقل صليات فايف = راحت جماهيره وراء الطبل والدف
يابن الرجال اللي تسوق العطايف= اللي ولو النجد على القين والخف
مروين حد مصقلات الرهايف = ربعي وأعد فعولهم واتشرف
رديتني للغزو عقب النكايف = ياسعود والموضوع ماهو على الشف
أرقيتها روس الجبال النوايف = ونزلتها لين النظر فوقها طف
في حال ماتركب عليها السنايف = وفي حال ياجب عن نحاها اتطرف
ودرستها من كل جانب وخايف = لقيتها مع كل صنفٍ اتصنف
فيها تطرقت المهَارْ العسايف = وفيها تطرقت الكلاب المهرف
وشكيت لك غزوٍ علومه صخايف = وعلوم لاتحكى ولاتنتوصف
ياللي سيرك من الشوايب نظايف = عليك وش جَرْا الوضيع يتلقف
أرفع مقامك عن مقام الهدايف = وعلى المضره لاتجامل تحسف
لايستميلك لردى كل هايف = ليا قرب الخط الحَمَرْ قوله قف
والصبر من طبع النفوس العفايف =وضعف العزيمه تجعل النفس تضعف
ومن زل ماله من خطاياه رايف= ياسعود رأي صاحبك قوله هف
وأَنْتَ من أصحاب العقول الحصايف = تعرف وش الرأي السليم وتصرف
لاتصعب الدعوه تراها خفايف = بالعقل حل المشكله لا تعنف
أقصب رشاك وبيعها بالنصايف = وأقصر قدم رجلك عن النذل واكتف

صح لسانك وصح قلبك

باذخه وجميله


لاعدمناك ولا عدمنا هذا الحضور

	أرفع مقامك عن مقام الهدايف = وعلى المضره لاتجامل تحسف لايستميلك لردى كل هايف = ليا قرب الخط الحَمَرْ قوله قف

ابو علي بّيض الله وجهك على هذه الرائعة
لا تحرمنا هذا الأبداع
تحيتي بلا حدووووووووووووووووووووووووووود

الله الله


على الإبداااااااااااااع


الشاعر الكبير : زامل العوفي


صح لسااااااانك ........ و بيض الله وجهك


على هذه القصيدة الجزلة ........ و أنت راعي الجزلاااااااااااااااات

الله الله


على الإبداااااااااااااع


الشاعر الكبير : زامل العوفي


صح لسااااااانك ........ و بيض الله وجهك


على هذه القصيدة الجزلة ... و أنت راعي الجزلااا اات

قصيدتك كفو وانت نوماس وعلمك غانم

صحت السنتكم

شعار كبار

وبيض الله وجيهكم

صحت السنتكم

وبيض الله وجيهكم على الجزلات

الله يعطيكم العافيه

صح الله لسانك وسلم بنانك