يالله عسا من نيته هدم الاسلام++وطمس الرساله والسنن والشريعه

يالله عساء من نيّته هدم الاســـلام
----------وطمس الرساله والســنن والشريعــه
من شــان يفتح كل بيبان الاجــــرام
----------ونصبح بضيق العيش عقب الوسيعه
عســــاه مــــايبلغ مــراده والاحـــلام
----------ونحــــره مقــــر لغــــايته ولصـــنيعه
في قدرة اللــــي ماتجــاهـــل ولانام
----------ويعلم خفايا العاصــــيه والمطيعه
حـــيٍ قـــويٍ مـنــزل بدار الاحــرام
----------نور الهــــــُدا لثقلـــــين وشـــفـــــيعه
وسـخر له العـــبّاد حــفاظ خــــدام
----------اعجـــاز حيٍ كـــل خــلقــه صنيعـه
العـدل فيه وفيه تحقيق الاحـــلام
----------ولكل نفــسٍ فيه فســحــه وســيعــه
للخــيرفـيه انواع ودروب واقســــام
----------ولشــرّ تحــذير وعــقــوبه ســـريعـه
دســتور دارٍ تنتهـــــج مــنه الاحكام
----------وشــعبه بهــم نهج الشـريعه طبيعه
دارٍ بهـــا ملجـــاء الارامـــــل والايتام
----------وملجـــاء معــاق وللكهــــول ورضــيعه
ومأواى الفقيرٍضـامه الفقر وانضـام
----------ومزبن مشــرد من حـروبٍ فضــيعه
ومأواى مساكينٍ بعدخوف واسقــام
----------وملجاء ضعيفه بين شــريه وبيعه
وعوين جايع قاصرٍ هيكل اعضام
----------جاه المدد بعــد الالـم والقطيعـه
دارٍ بهـــــا عــادل مصــــلي وصـــوام
----------ومؤذٍين صــوته يشــق الطــــبيعـه
دارٍ بهـــا للخــــير معـــنى وعـــنوان
----------والشــــردار الخــــير ماهـــو ربيعــه
طماعها عيشه على بساط الاحلام
----------وصديقهـــاحقـه مكــارم ســــريعـه
دارٍ بها كل المحــاســــن بالاســلام
----------ودونه ارجـــالٍ عــــزّهــا ماتبيعــه

صح الله السانك ملايين

جزله من راس جزل

صح بدنك وهذا من ذوقك لاهنت

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

صح الله لسانك
ولاهنت
وسلم فكرك وبنانك
دمت برعاية الله وحفظة

صح الله لسانك
ولاهنت